मुंबई : लोकसभा निवडणुकीत महायुतीला केवळ १७ जागांवर विजय मिळवता आला आहे. लोकसभा निवडणुकीच्या प्रचारादरम्यान महायुतीच्या आमदारांमध्ये असलेला उत्साह आता निकालाअंती ओसरलेला पाहायला मिळतो. यातच काही शिंदे गट आणि अजित दादा गटाचे काही आमदार युतीतून बाहेर पडण्याच्या चर्चा रंगल्या आहेत. या पार्श्वभूमीवर आगामी विधानसभा निवडणुकीतील संभाव्य फटका टाळण्यासाठी मुख्यमंत्र्यांनी जालीम उपाय शोधला आहे.
लोकसभा निवडणुकीनंतर राज्यात मंत्रिमंडळ विस्ताराचा मुहूर्त ठरणार असल्याची माहिती खात्रीलायक सूत्रांनी दिली होती. यातच मुख्यमंत्र्यांनी देखील लवकरच मंत्रिमंडळ विस्ताराच्या बातमीला दुजोरा दिला आहे. विशेषतः काही नवीन चेहऱ्यांना यामध्ये संधी देण्याची दाट शक्यता वर्तवली जात आहे.
मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस आणि अजित पवार यांनी मुंबई कोस्टल रोड प्रकल्पातील दुसऱ्या बोगद्याच्या उद्घाटनप्रसंगी प्रमुख उपस्थिती लावली. यावेळी मुख्यमंत्र्यांनी मंत्रिमंडळ विस्ताराबाबत उपमुख्यमंत्री अजित पवारांसमोरच सूचक वक्तव्य केले आहे.
लोकसभा निवडणुकीनंतर राज्यात मंत्रिमंडळ विस्ताराचा मुहूर्त ठरणार असल्याची माहिती खात्रीलायक सूत्रांनी दिली होती. यातच मुख्यमंत्र्यांनी देखील लवकरच मंत्रिमंडळ विस्ताराच्या बातमीला दुजोरा दिला आहे. विशेषतः काही नवीन चेहऱ्यांना यामध्ये संधी देण्याची दाट शक्यता वर्तवली जात आहे.
मुख्यमंत्री एकनाथ शिंदे यांच्यासह उपमुख्यमंत्री देवेंद्र फडणवीस आणि अजित पवार यांनी मुंबई कोस्टल रोड प्रकल्पातील दुसऱ्या बोगद्याच्या उद्घाटनप्रसंगी प्रमुख उपस्थिती लावली. यावेळी मुख्यमंत्र्यांनी मंत्रिमंडळ विस्ताराबाबत उपमुख्यमंत्री अजित पवारांसमोरच सूचक वक्तव्य केले आहे.
मुख्यमंत्री म्हणाले, ‘रस्त्यांचा विस्तार होतच आहे त्याप्रमाणेच मंत्रिमंडळाचा विस्तार देखील लवकरच होणार आहे.’ महायुतीतील अजित पवारांच्या राष्ट्रवादीच्या समावेशामुळे मंत्रिमंडळ विस्तार रखडला आहे. दरम्यान मंत्रीपदासाठी शिवसेनेतील आमदारांसोबतच राष्ट्रवादीचे आमदार देखील इच्छुकांच्या रांगेत आहेत.
शिंदेसेनेपेक्षा कमी खासदार, तरीही मारली बाजी; मोदींच्या हनुमानाची वरचढ कामगिरी, ताकद दाखवली
भाजप, राष्ट्रवादी आणि शिंदेंच्या सेनेच्या कोणत्या आमदारांना मंत्रीपद मिळणार हे अद्याप गुलदस्त्यातच आहे. ज्या आमदारांना मंत्रिमंडळात स्थान मिळणार नाही त्यांची महामंडळावर नियुक्ती करून नाराजी दूर करण्याचा या निमित्ताने प्रयत्न केला जाणार असल्याचं समजतंय.