Chandrapur News: चंद्रपूरात सलग दोन दिवस मुसळधार, घरांची पडझड, शेकडो हेक्टर शेतीचे नुकसान
चंद्रपूर जिल्ह्याला सलग दोन दिवस पावसाने झोडपून काढले आहे. या मुसळधार पावसामुळे जिल्ह्यात जवळपास सहाशे घरांची पडझड झाली. शेकडो हेक्टर शेतीचे नुकसान झाले. ब्रह्मपुरी, नागभीड तालुक्यात सर्वाधिक पावसाची नोंद झाली आहे. जिल्ह्यातील मुख्य मार्ग नागभीड-नागपूर हायवे पुराच्या पाण्यामुळे बंद पडला होता. त्याचबरोबर जिल्ह्यातील इतर मार्ग जे पावसाच्या पाण्यामुळे बंद पडले होते, ते पाण्याचा प्रवाह कमी झाल्यानंतर मार्ग मोकळे झाले आहेत. घरांचे नुकसान तसेच शेताचे नुकसानीचे पंचनामे करण्याचे आदेश जिल्हा प्रशासनाने दिले आहेत.