माळेगांव खुर्द येथील कृषी विज्ञान केंद्रातील महिला स्वच्छतागृहात लहान नवजात स्री जातीचे अर्भक कोणीतरी अज्ञात व्यक्तीने ठेवल्याची प्राथमिक माहीती समोर येत आहे. बालकाचा जन्म झाल्याचे लपवून ठेऊन बालकाची देखभाल न करता त्याचा मृत्यू घडवून आणण्याच्या उद्देशाने त्याला उघड्यावर टाकून दिले असे निरीक्षणात दिसून येते, म्हणून अज्ञात व्यक्तीच्या विरोधात गुन्हा दाखल करण्यात आला आहे, असे फिर्यादीत नमूद करण्यात आले आहे.
दरम्यान सदर मृत नवजात स्री जातीचे अर्भक अनैतिक संबंधातून तर जन्माला आले असावे की, मुलगी नको म्हणून मृत अवस्थेत बाळ टाकणाऱ्या अज्ञात व्यक्तीचा शोध घेण्यात येईल. असे तपासी अधिकारी उपनिरीक्षक संजय नागरगोजे यांनी माहिती दिली आहे.
तर मागील महिन्यात मुंबईतील कळव्यातील विटावा परिसरात गटाराच्या चेंबरमध्ये बुधवारी अंदाजे तीन ते चार महिन्यांचे एक अर्भक मृतावस्थेत आढळले. याप्रकरणी अज्ञातांविरुद्ध कळवा पोलिस ठाण्यात गुन्हा दाखल करण्यात आला आहे. विटावा येथील सूर्यनगरमध्ये गटाराच्या चेंबरमध्ये नवजात अर्भक असल्याची माहिती मिळाल्यानंतर पोलिस घटनास्थळी दाखल झाले. पाहणी केल्यानंतर हे अर्भक हालचाल करत नसल्याचे दिसून आले. पोलिसांनी स्थानिकांच्या मदतीने त्याला छत्रपती शिवाजी महाराज रुग्णालयात दाखल केले. मात्र, डॉक्टरांनी तपासून त्याला मृत घोषित केले. या अर्भकाला गटारामध्ये टाकून त्याच्या मृत्यूस कारणीभूत असणाऱ्यांचा पोलिस शोध घेत आहेत.