अजित पवार आणि शरद पवार गट एकमेकांवर आरोप-प्रत्यारोप करत आहेत. काही दिवसांपूर्वी श्रीनिवास पवार यांनी अजितदादांनी मिशा काढण्यावरून टीका केली होती. त्यावर अजित पवार यांनी आज प्रतिक्रिया दिली. दरम्यान, श्रीनिवास पवार यांनी पुन्हा एकदा उपमुख्यमंत्री पवार यांना मिशीवरून पुन्हा एकदा टोमणा मारला आहे.
“बारामती लोकसभा मतदारसंघ शरद पवारांचा आहे. हा पवारांचा बालेकिल्ला आहे. काल रात्री कोण घरोघरी फिरत होता आणि काल रात्रभर कोण हिंडत होता, हा बालेकिल्ला किती अभेद्य आहे, हे शरद पवारांना माहीत आहे, असंही श्रीनिवास पवार यांनी नमूद केलं.
गडाला काही तडे गेले आहेत का, हे पाहण्यासाठी काही लोक रात्रभर फिरत होते का, असा सवाल पवारांनी अजित पवार यांना केला. “मी काल रात्री एका सामान्य मतदाराप्रमाणे झोपलो. काल बारामतीत बरेच काही घडल्याचे मी ऐकले. मात्र, यामुळे काही फरक पडलेला नाही. तुम्ही कितीही रात्री फिरलात तरी फरक पडणार नाही. बारामती म्हणजे काय हे 4 जूनलाच कळेल.
मिशीच्या टीकेबद्दल बोलताना श्रीनिवास पवार म्हणाले, “तो (अजित पवार) आपल्या शब्दावर कायम राहतो. मिशीबाबत तो आपला शब्द पाळेल, अशी आशा असल्याचेही श्रीनिवास पवार यांनी व्यक्त केली. “हे राजकारण आहे, आज संध्याकाळीच ते संपलं . आम्ही एकाच आईचे मुलं आहोत, संगोपन समान झाले आहे. ते राजकारणात गुंतलेले आहेत, परंतु मी नाही. ते सार्वजनिक जीवनात भाषण चांगलं करतात आणि सभा गाजवतात, तर मी स्टेजवर न बोलणे पसंत करतो. आजपासून शेवटच्या दिवशी खूप अती झालं म्हणून मी बोलायचे ठरवले, असेही श्रीनिवास पवार यांनी सांगितले.