दिवसा मुंबईसाठी आठ गाड्या
दररोज सकाळी सहा ते सायंकाळी सहा या वेळेत पुण्याहून मुंबईला जाण्यासाठी सात रेल्वे आहेत. सकाळी सहा वाजून पाच मिनिटांनी ‘सिंहगड एक्स्प्रेस’, सहा वाजून २० मिनिटांनी ‘पनवेल एक्स्प्रेस’, सात वाजून १५ मिनिटांनी ‘डेक्कन क्वीन’, सात वाजून ५० मिनिटांनी ‘प्रगती एक्स्प्रेस’, आठ वाजून २० मिनिटांनी ‘मुंबई सीएसएमटी सुपरफास्ट एक्स्प्रेस’ आणि सकाळी नऊ वाजता ‘वंदेभारत’ उपलब्ध आहे. दुपारी तीन वाजून १५ मिनिटांनी ‘डेक्कन एक्स्प्रेस’ आणि दुपारी तीन वाजून २५ मिनिटांनी ‘दौंड-इंदूर सुपरफास्ट एक्स्प्रेस’ या गाड्या आहेत. दिवसा गाड्या कमी असल्यामुळे प्रवाशांना उभे राहून धक्के खात प्रवास करावा लागतो. ‘वंदेभारत’चे तिकीट महाग असल्याने तिच्यातून प्रवास करणे सर्वसामान्यांना परवडत नाही.
‘निर्णय रेल्वे बोर्ड घेईल’
गेल्या दोन वर्षांपासून बारामती-कर्जत पॅसेंजर पुन्हा सुरू करण्यात यावी, अशी मागणी प्रवासी करीत आहेत. मात्र, रेल्वे प्रशासनाकडून मागणीकडे दुर्लक्ष करण्यात येत आहे. करोनाकाळानंतर ही पॅसेंजर बंद करण्यात आली आहे. त्यामुळे प्रवाशांचे हाल होत असून, ही पॅसेंजर पुन्हा सुरू करण्याची मागणी प्रवाशांनी केली आहे. या गाडीचा निर्णय मुंबई विभाग आणि रेल्वे बोर्डाकडून घेतला जाईल, असे रेल्वेचे अधिकारी सांगत आहेत.