लोकसभेच्या निकालावरून महाविकास 155 जागांवर आघाडीवर
खासदार अमोल कोल्हे यांनी पुण्यात पत्रकार परिषद घेतली यावेळी महाविकास आघाडीला किती जागा मिळतील? असा प्रश्न विचारण्यात आला. त्यावर उत्तर देताना अमोल कोल्हे म्हणाले की, ”लोकसभेचा निकाल पाहता सध्या महाविकासआघाडी 155 जागांवर आघाडीवर आहे. त्यामुळे विधानसभेमध्ये 180 ते 190 जागांपर्यंत जायला हरकत नाही”.
देवेंद्र फडणवीस यांचे पंख छाटले जात आहेत
अमोल कोल्हे यांनी उपमुख्यमंत्री देवेंद्र फडणवीस यांच्याबद्दल देखील वक्तव्य केलं आहे. ते म्हणाले की, ” राज्यातील आगामी विधानसभा निवडणुका या देवेंद्र फडणवीस यांच्या नेतृत्वात लढल्या जाणार होत्या. मात्र, दिल्लीतील भाजपच्या वरिष्ठ नेत्यांकडून त्यांचे पंख छाटण्याचे काम सुरू झाले आहे”.
आरक्षणावरुन जनतेच्या मनात संभ्रम पसरवू नये
राज्य सरकारने मंगळवारी मराठा आरक्षणासंदर्भात सर्वपक्षीय बैठक बोलावली होती. परंतु या बैठकीला महाविकासआघाडीचे नेते उपस्थित नव्हते. यावरून महायुतीने महाविकासआघाडीवर टीका केली. याला खासदार अमोल कोल्हे यांनी प्रत्युत्तर दिले आहे. ते म्हणाले की, ” सरकारने जनतेच्या मनात संभ्रम निर्माण करू नये. महाविकासआघाडीची भूमिका स्पष्ट असून यातून सक्षम तोडगा समोर आणावा. सर्व घटकांना योग्य न्याय मिळेल असा तोडगा सरकारने काढावा”.
दरम्यान, आज विधानभवनात मराठा आरक्षणाच्या मुद्द्यावरून सत्ताधारी आणि विरोधक यांच्यात मोठा गोंधळ झाला. तसेच दोन वेळा सभागृहाचे कामकाज थांबवण्यात आले.