मी चरित्र अभिनेता, चित्रा वाघांनी माफी मागावी, नाहीतर अब्रूनुकसानीचा दावा; कलाकाराचा इशारा

मुंबई : लोकसभा निवडणुकीच्या प्रचारात शिवसेना (उद्धव बाळासाहेब ठाकरे) पक्षाकडून ‘अ‍ॅडल्ट स्टार’चा वापर केला जात असल्याचा आरोप भाजपच्या महिला प्रदेशाध्यक्ष चित्रा वाघ यांनी केला होता. त्यानंतर संबंधित अभिनेते प्याराली उर्फ राज नयानी यांनी चित्रा वाघ यांना इशारा दिला आहे. “चित्रा वाघ यांनी माझी माफी मागावी अन्यथा मी त्यांच्यावर अब्रूनुकसानीचा दावा दाखल करेन” असा इशाराच नयानी यांनी दिला आहे.

काय म्हणाले अभिनेते प्याराली उर्फ राज नयानी?

“मी एक चरित्र अभिनेता आहे आणि एका कलावंताचा अपमान केला म्हणून भाजपा नेता चित्रा वाघ यांनी शब्द मागे घ्यावेत, माझी माफी मागावी अन्यथा, इच्छा नसतानाही मी त्यांच्यावर अब्रूनुकसानीचा दावा दाखल करेन ” अशी भूमिका अभिनेते प्याराली उर्फ राज नयानी यांनी व्यक्त केली.

आज समाजमाध्यमा वर व्हिडीओद्वारे त्यांनी भूमिका मांडली. भाजपच्या नेत्या चित्रा वाघ या एक सुशिक्षित महिला आहेत. कलावंत जेव्हा एखाद्या सिनेमांत किंवा मालिकेत काम करतो तेव्हा त्याला त्या भूमिकेची जशी मागणी असते त्याप्रमाणे अभिनय करावा लागतो हे त्यांना माहीत असावे, अशी अपेक्षा नयानी यांनी व्यक्त केली.

“आज त्यांनी माझ्या एका वेबसिरीजच्या भूमेकेतील फोटो दाखवून मी पॉर्न स्टार असल्याचा दावा केला. त्यांच्या या दाव्याची मी निंदा करतो आणि माझ्या अभिनयाला पॉर्न स्टारची उपमा देऊन माझी अब्रू नुकसानी केल्याचा आक्षेप त्यांच्यावर घेतो. त्यांनी दोन दिवसात माझी जाहीर माफी मागावी अन्यथा त्यांच्यावर मी अब्रूनुकसान केल्याचा दावा कोर्टात दाखल करेन.” असा इशाराच त्यांनी दिला आहे.
माझ्या राजकीय प्रवेशावर बोलणाऱ्यांना राज ठाकरे उत्तर देतील, उज्ज्वल निकम यांना विश्वास
“शिवसेना (उद्धव बाळासाहेब ठाकरे) पक्षाच्या जाहिरातीत मी काम केले आहे, त्यामुळे त्या जाहिराती करणारा कलावंत पॉर्न स्टार असल्याचा शोध त्यांनी लावला. जे फोटो त्यांनी प्रेस कॉन्फरेन्समध्ये दाखवले ते माझ्या एका वेब सिरीजमधले आहेत आणि ते त्या भूमिकेचा एक भाग होता, असं नयानी यांनी स्पष्ट केलं.

“चित्रा वाघ यांनी विनाकारण माझ्या प्रतिमेला मलीन करण्याचा प्रयत्न केला. त्यामुळे मला मनस्ताप सहन करावा लागला आहे. केवळ आपल्या राजकीय स्वार्थासाठी त्यांनी माझी प्रतिमा मलीन केली आहे” असेही ते म्हणाले.

मी माझ्या भावना लपवत हा व्हिडिओ शूट करतोय; पण चित्राताई, तुमच्या घाणेरड्या आरोपांनी कुटुंब व्यथित झालं आहे. गेल्या आठ वर्षात मी माझ्या तीन कुटुंबीयांना गमावलंय, त्यापैकी दोघांना तर करोना काळात गमावलं आहे. आता आम्ही तिघंच आहोत. मी एक पिता असून माझ्या दोन लेकरांचं पालनपोषण करतोय. पण एक राजकीय नेता राजकीय इराद्याने माझ्यावर आरोप करणं धक्कादायक आहे, अशा भावनाही त्यांनी व्यक्त केल्या.

Read Latest Maharashtra News Updates And Marathi News

चित्रा वाघ यांचे आरोप काय?

‘राज्यात अतिशय किळसवाणी पब, पार्टी आणि पॉर्नची संस्कृती आणू पाहणाऱ्यांच्या आदुबाळ नाइट लाइफ प्रोडक्शन प्रायव्हेट लिमिटेडने तयार केलेल्या जाहिरातीत जे पात्र आहे तो ‘अ‍ॅडल्ट स्टार’ आहे. तोच महिलांवरील अत्याचार कधी थांबणार, अशी विचारणा करताना जाहिरातीत दिसत आहे. उल्लू अ‍ॅपवर तोच मुलींसोबत घाणेरडे कृत्य करतानाचे व्हिडिओ, क्लिप्स आहेत.’ असा आरोप चित्रा वाघ यांनी केला होता.
सुषमा अंधारेंना नेण्यासाठी आलेलं हेलिकॉप्टर क्रॅश, डोळ्यादेखत तुकडे, सर्वजण थोडक्यात बचावले
‘उद्धव ठाकरे छत्रपती शिवाजी महाराजांच्या महाराष्ट्रात कोणती संस्कृती आणण्याचा प्रयत्न करत आहेत? संबंधित जाहिरात कंपनी आणि त्यांचा संबंध काय; तसेच पबसंस्कृतीशी त्यांचा काही संबंध आहे का, या प्रश्नांची उत्तरे ठाकरेंनी द्यावीत,’ अशी मागणी वाघ यांनी पत्रकार परिषदेत केली. केंद्र सरकारने अनेक अश्लील अ‍ॅपवर बंदी आणली आहे. आता इतर अ‍ॅपवरही कारवाई करावी अशी केंद्राला विनंती आहे. यामुळे उद्धव ठाकरेंना असे ‘अ‍ॅडल्ट स्टार’ सापडणार नाहीत’ असं वाघ म्हणाल्या होत्या.