१. मुंबई-गोवा महामार्गावर तीन दिवसांचा ब्लॉक
मुंबई – गोवा महामार्गावर आज गुरूवारपासून ३ दिवसांचा ब्लॉक घेण्यात येणार आहे. मुंबई – कोलाड जवळील पुई येथे म्हैसदरा नवीन पुलाचे गर्डर बसवण्याच्या कामासाठी मुंबई – गोवा महामार्गावर ११ जुलै ते १३ जुलै दरम्यान सकाळी ६ ते ८ आणि दुपारी २ ते ४ या दोन सत्रात ब्लॉक घेतला जाणार आहे. वाहतूक विभाग अप्पर महासंचालकांनी या संदर्भातली अधिसूचना जारी केली आहे. अधिक बातमी वाचा सविस्तर…
२. सरकारी कर्मचाऱ्यांचा रेशनवर डल्ला!
राज्यातील गोरगरीब आणि निर्धन नागरिकांसाठी मोफत व अल्पदरात रेशन वितरण केले जाते. मात्र, राज्य सरकारच्या सेवेतील तब्बल एक लाख सरकारी कर्मचाऱ्यांनीच या गरिबांच्या रेशनवर डल्ला मारला असल्याची धक्कादायक कबुली गुरुवारी मंत्री छगन भुजबळ यांनी विधानसभेत दिली. या प्रकरणी विरोधकांनी सभागृहात आक्रमक पवित्रा धारण केला होता. दरम्यान, संबंधित विभागाला कारवाईचे आदेश दिल्याची माहिती भुजबळ यांनी सभागृहात दिली.
३. संयम सोडायची वेळ आणू नका, अन्यथा…
‘उपमुख्यमंत्री देवेंद्र फडणवीस यांचे ऐकून छगन भुजबळ मराठा आरक्षणाला विरोध करत आहेत. ओबीसी नेतेही एकत्रित येवून मराठा आरक्षणाला विरोध करीत आहेत. राज्य सरकारकडे असलेल्या मराठ्यांच्या कुणबी नोंदी रद्द करण्याची मागणी भुजबळांनी लावून धरली आहे. भुजबळांच्या मागणीप्रमाणे मराठ्यांच्या कुणबी नोंदी सरकारने रद्द केल्यास मराठ्यांची ताकद दाखवून देऊ, राज्यातील ५५ टक्के समाजावर संयम सोडायची वेळ आणू नका, अन्यथा सरकारचे अवघड होईल,’ अशा शब्दांत मनोज जरांगे पाटील यांनी बुधवारी धाराशीवमधून राज्य सरकारला इशारा दिला.
४. एकनाथ शिंदेंचा ‘भिडू’ फुटणार?
विधानसभा निवडणुकीची धामधूम सुरू झाली असताना राज्यात तिसरी आघाडी स्थापन करण्याचे प्रयत्न सुरू झाले आहेत. याबाबत प्रहार संघटनेचे अध्यक्ष आमदार बच्चू कडू, स्वराज्य संघटनेचे अध्यक्ष माजी खासदार संभाजीराजे आणि स्वाभिमानी संघटनेचे रविकांत तुपकर यांची प्राथमिक चर्चा झाली आहे. लवकरच पुन्हा व्यापक बैठक घेऊन या आघाडीबाबत अधिकृत घोषणा होण्याची शक्यता आहे. अधिक बातमी वाचा सविस्तर…
५. कबड्डी संघटनेच्या अध्यक्षपदी अजितदादांचा खास माणूस
पुणे जिल्ह्याचे अतुल बेनके यांची राज्य कबड्डी संघटनेच्या अध्यक्षपदी निवड होण्याची चिन्हे आहेत. त्याचबरोबर नाशिकचे मोहन गायकवाड नवे कोषाध्यक्ष होण्याची शक्यता आहे.
६. अजित पवारांकडे सहा मतांची तूट
विधान परिषद निवडणुकीसाठी उपमुख्यमंत्री अजित पवार यांच्या नेतृत्वातील राष्ट्रवादी काँग्रेस आपल्या मतांचा कोटा आज निश्चित करणार आहे. अजितदादांच्या राष्ट्रवादीच्या आमदारांची आज मुंबईतील हॉटेल ललितमध्ये महत्त्वाची बैठक आहे. काँग्रेसमधील तीन, तर दोन अपक्ष आमदारांची मतं आपल्याला मिळण्याची खात्री राष्ट्रवादीला असल्यामुळे काँग्रेसमधले तीन गद्दार कोण, याची चर्चा आता राजकीय वर्तुळात रंगली आहे. अजितदादांकडून शिवाजीराव गर्जे, राजेश विटेकर यांना उमेदवारी देण्यात आली आहे.
७. ‘मिहीर शहा हा सराईत गुन्हेगाराप्रमाणे’
वरळी येथील हिट अँड रन प्रकरणातील मुख्य आरोपी मिहीर राजेश शहा याचे अपघातापासून अटकपर्यंतचे कारनामे एखाद्या सराईत गुन्हेगाराप्रमाणे असल्याचे पोलिसांनी म्हटले आहे. अपघातानंतर तो चालकाच्या जागेवरून बाजूला गेला, पोलिसांचा ससेमिरा चुकविण्यासाठी दोन दिवस वेगवेगळ्या ठिकाणी पलायन, पोलिस पोहोचू नयेत, यासाठी मोबाइल बंद आणि विशेष म्हणजे आपल्याला कुणी ओळखू नये यासाठी दाढी मिशी काढली, केसही कापले असे पोलिस तपासातून समोर आले आहे. विशेष म्हणजे ड्रायव्हिंग लायसन्सही त्याच्याकडे सापडले नसून ओळख पटेल असे काहीच त्याने स्वतःजवळ ठेवले नव्हते. अधिक बातमी वाचा सविस्तर…
८. बसच्या धडकेत चिमुकलीचा जागीच मृत्यू
शाळेतून आजोबांचे बोट धरून घराच्या दिशेने जाताना रस्त्यात चहा विक्री करणाऱ्या आजीच्या भेटीसाठी आतूर झालेल्या पाच वर्षीय नातीला सिटीलिंक बस डेपोत रिव्हर्स येणाऱ्या बसने चिरडले. या घटनेत तिचा जागीच मृत्यू झाला. आजोबांनाही छातीला गंभीर इजा झाल्याने पालिकेच्या बिटको रुग्णालयात अतिदक्षता विभागात त्यांची मृत्यूशी झुंज सुरू आहे. सान्वी सागर गवई (रा. मातोश्री रमाबाई आंबेडकर नगर, रेल्वे मालधक्का) असे या अपघातात दुर्दैवी अंत झालेल्या नातीचे नाव असून, समाधान गणपत गवई असे जखमी झालेल्या आजोबांचे नाव आहे.
Kabaddi Association : कबड्डी संघटनेच्या अध्यक्षपदी अजितदादांचा खास माणूस, कीर्तिकर कार्याध्यक्षपदाच्या शर्यतीत
९. शुभमन गिल सामन्यानंतर काय म्हणाला पाहा…
भारतीय कर्णधार शुभमन गिलने तिसऱ्या टी-२० आंतरराष्ट्रीय सामन्यात झिम्बाब्वेचा २३ धावांनी पराभव करून पाच सामन्यांच्या मालिकेत २-१ अशी आघाडी घेत संघाच्या चमकदार प्रयत्नाचे कौतुक केले. भारताचा सलामीवीर फलंदाज गिलच्या ६६ धावांच्या जोरावर भारताने चार गड्यांच्या मोबदल्यात १८२ धावा केल्या, त्यानंतर संघाच्या गोलंदाजांनी यजमान संघाला सहा गड्यांच्या मोबदल्यात १५९ धावांवर रोखले.
१०. कष्टाने उभा केला शून्यापासून अब्जावधींचा व्यवसाय
यश मिळवणे योगायोगाचा खेळ नाही. कोणत्याही बिझनेसला यशाच्या शिखरावर नेणे जगातील सर्वात काठीण काम असते. यशस्वी व्यावसायिक आपल्या कलेच्या जोरावर यशाची पुनरावृत्ती करू शकतो. आज आपण अशाच एका व्यक्तीचा प्रवास जाणून जो देखील असाच एक व्यावसायिक आहे. एका सर्वसामान्य परिवारातील या व्यक्तीने दोन युनिकॉर्न कंपन्या उभ्या केल्या. आयुष्यात अनेक अडथळे येत राहिले पण त्याने हार मानली नाही.