नेमके प्रकरण काय?
वय उलटून गेलेल्या उमेदवारांना एक संधी मिळावी यासाठी विद्यार्थ्यांचे आंदोलन सुरु आहे. कोविड काळात भरती प्रक्रिया रखडली होती. त्यानंतर सरकारला आम्ही अनेकदा निवदेन दिलेत की विद्यार्थ्यांना वयामध्ये शिथिलता द्या.यानंतर डिंसेबर २०२२ ला पोलीस भरतीसाठी २०२३ चे वय गृहीत धरले जाईल असा सरकारने जीआर काढला होता पण २०२३ ला पोलीस भरतीच झालेली नाही. त्यामुळे दोन लाख मुले आता पोलीस भरतीपासून वचिंत राहिले आहेत, आता विद्यार्थ्याचे वय शिथील करुन त्यांना एक संधी द्या असे सुषमा अंधारे आणि विद्यार्थी एक दिवसांच्या लक्षणिक उपोषणाला बसत मागणी करत आहेत.
१५०० ची आम्हाला खैरात नको आम्हाला हक्क हवा आहे बहिणीच्या भावांना आणि दाजींना चांगली नोकरी लागू द्या, कारण तुमच्या पंधराशेमध्ये साधे घर सुद्धा चालणार नाही सिलेंडर पण ९०० वर गेलाय या शब्दांत लाडकी बहिण योजनेवर सुषमा अंधारेंनी टीका केली.
मुलांना वय वाढवून देत नाहीत मात्र पोलीस महासंचालकांना वय वाढवून दिले जाते हे चुकीचे आहे. सभागृहाच्या पटलावरती मुलांना संधी देणार असं फडणवीस म्हणाले होते पण त्यांनी दिली नाही संधी, रश्मी शुक्लांना मुदत वाढ हे विरोधकांचे फोन टॅपिंग चे बक्षीस आहे का ? असा सवाल सुषमा अंधारेंनी केला यासह सरकारच्या चुकीमुळे या विद्यार्थ्यांचे नुकसान झाले आहे, दोन लाख विद्यार्थ्यांचे भविष्य अंधारात जाणार आहे असा आरोप सुद्धा अंधारेंनी केला आहे. देवेंद्र फडणवीस यांना गृह खात्याची काम सोडून इतर खूप काम आहेत, पक्ष फोडणे नेते फोडणे आमदार फोडणे, पोलीस भरती विषयी त्यांना चिल्लर वाटतो असा थेट घणाघात सुषमा अंधारेंनी फडणवीसांवर केला.