मुंबई: पंतप्रधान नरेंद्र मोदींनी पुण्यातल्या सभेत केलेल्या ‘भटकती आत्मा’च्या उल्लेखावरुन राजकीय वातावरण तापलं आहे. मोदींचा रोख राष्ट्रवादी काँग्रेस पक्षाचे संस्थापक शरद पवार यांच्याकडे होता. याबद्दल उपमुख्यमंत्री अजित पवारांना विचारलं असता मोदी नेमकं कोणाला उद्देशून म्हणाले त्याची मला कल्पना नाही. त्यांना विचारुन मी तुम्हाला सांगेन, अशी सावध प्रतिक्रिया त्यांनी दिली.
पुण्यातील सभेत मोदींनी शरद पवारांचं नाव न घेता त्यांचा उल्लेख भटकती आत्मा असा केला. त्याचे राजकीय पडसाद उमटले आहेत. महाविकास आघाडीनं मोदींवर टिकेची झोड उठवली आहे. मोदींच्या विधानाबद्दल विचारताच अजित पवारांनी अतिशय सावध प्रतिक्रिया दिली. ‘मोदींनी केलेल्या भटकती आत्मा या विधानाबद्दल मला माहिती नाही. मी त्या सभेत नव्हतो. त्यामुळे ते कोणाला उद्देशून बोलले याची मला कल्पना नाही. पुढच्या सभेत मोदींची भेट होईल. तेव्हा त्यांना मी विचारेन की तुम्ही भटकती आत्मा कोणाला म्हणाला होतात,’ असं अजित पवार म्हणाले.
भटकती आत्मा म्हणत मोदींनी केलेल्या टिकेला शरद पवारांनी उत्तर दिलं. माझा आत्मा शेतकऱ्यांसाठी अस्वस्थ होतो, असं शरद पवार म्हणाले. त्याबद्दल अजित पवारांना विचारण्यात आलं. ‘त्यांनी काय बोलावं तो त्यांचा अधिकार आहे. आज मी वेगळा मार्ग निवडला आहे. एकेकाळी मी त्यांना दैवत मानत होतो. ते वडिलधारे आहेत. त्यांच्या विधानावर मी बोलावं तितका मी मोठा नाही,’ असा काहीसा नरमाईचा सूर अजित पवारांनी लावला.
श्रीकांतचं ‘कल्याण’, विचारेंना बाय; शिंदेंनी नरेश म्हस्के यांना उमेदवारी देण्याचं कारण काय?
शरद पवारांबद्दल अतिशय संयतपणे बोलणाऱ्या अजित पवारांनी बारामतीच्या खासदार सुप्रिया सुळेंवर मात्र तोफ डागली. माझे अवगुण कळायला १७ वर्षे लागली का, असा सवाल सुळेंनी अजित पवारांना विचारला होता. त्याबद्दल पत्रकारांशी प्रश्न विचारला असता, आमच्या डोक्यात प्रकाश पडायला १७ वर्षे लागली. काय म्हणणं आहे तुझं, असा प्रतिप्रश्न अजित पवारांनी केला.
पुण्यातील सभेत मोदींनी शरद पवारांचं नाव न घेता त्यांचा उल्लेख भटकती आत्मा असा केला. त्याचे राजकीय पडसाद उमटले आहेत. महाविकास आघाडीनं मोदींवर टिकेची झोड उठवली आहे. मोदींच्या विधानाबद्दल विचारताच अजित पवारांनी अतिशय सावध प्रतिक्रिया दिली. ‘मोदींनी केलेल्या भटकती आत्मा या विधानाबद्दल मला माहिती नाही. मी त्या सभेत नव्हतो. त्यामुळे ते कोणाला उद्देशून बोलले याची मला कल्पना नाही. पुढच्या सभेत मोदींची भेट होईल. तेव्हा त्यांना मी विचारेन की तुम्ही भटकती आत्मा कोणाला म्हणाला होतात,’ असं अजित पवार म्हणाले.
भटकती आत्मा म्हणत मोदींनी केलेल्या टिकेला शरद पवारांनी उत्तर दिलं. माझा आत्मा शेतकऱ्यांसाठी अस्वस्थ होतो, असं शरद पवार म्हणाले. त्याबद्दल अजित पवारांना विचारण्यात आलं. ‘त्यांनी काय बोलावं तो त्यांचा अधिकार आहे. आज मी वेगळा मार्ग निवडला आहे. एकेकाळी मी त्यांना दैवत मानत होतो. ते वडिलधारे आहेत. त्यांच्या विधानावर मी बोलावं तितका मी मोठा नाही,’ असा काहीसा नरमाईचा सूर अजित पवारांनी लावला.
श्रीकांतचं ‘कल्याण’, विचारेंना बाय; शिंदेंनी नरेश म्हस्के यांना उमेदवारी देण्याचं कारण काय?शरद पवारांबद्दल अतिशय संयतपणे बोलणाऱ्या अजित पवारांनी बारामतीच्या खासदार सुप्रिया सुळेंवर मात्र तोफ डागली. माझे अवगुण कळायला १७ वर्षे लागली का, असा सवाल सुळेंनी अजित पवारांना विचारला होता. त्याबद्दल पत्रकारांशी प्रश्न विचारला असता, आमच्या डोक्यात प्रकाश पडायला १७ वर्षे लागली. काय म्हणणं आहे तुझं, असा प्रतिप्रश्न अजित पवारांनी केला.
बारामतीत धनशक्तीचा वापर सुरू असल्याची टीका आमदार रोहित पवारांच्या आई सुनंदा पवारांनी केली होती. त्याबद्दल विचारलं असता अजित पवार काहीसे संतापले. ‘कोणी काय बोलावं ते त्यांच्याकडे. मी त्यांना उत्तर देण्यास बांधील नाही. आमच्या योग्यतेच्या माणसांनी विचारलं असेल तरच मी बोलेन,’ असं अजित पवार म्हणाले.