प्रत्यक्षदर्शीने दिलेल्या माहितीनुसार सायंकाळी सहाच्या सुमारास घटना घडलीय. नेहमीप्रमाणे तरुणाईची वर्दळ होती. अनेकजण निसर्गाच्या सानिध्यात विसावले होते इतक्यात मरीन ड्राइव्हच्या कठड्यावरुन उडी मारुन एक गृहस्थ समुद्रात उतरताना दिसले आणि हळू हळू दगडे ओलांडून सदरचे गृहस्थ थेट समुद्रात उतरले सध्या पावसाळा असल्याने समुद्राला सुद्धा मोठी भरती आली आहे. त्यामुळे पाण्याचा अंदाजा लावणे कठीण आहे. अशातच ती व्यक्ती मरीन ड्राइव्हवरुन सगळ्यांना तरगंताना दिसू लागली पण बचावासाठी कोणताही आरडाओरडा न करता ती व्यक्ती आणखी खोल समुद्रात जाताना दिसून आली असे प्रत्यक्षदर्शींचे म्हणणे आहे.
पोलीसांना घटनेची माहिती मिळताच त्यांनी तातडीने शोधकार्य सुरु केले पण तब्बल तीन तासानंतरही अद्याप त्या गृहस्थाबद्दल काहीही कळू शकले नाही. साधारण ५५ ते ६० च्या दरम्यान वय असलेले गृहस्थ होते अशी प्राथमिक माहिती मिळत आहे. अंधारामुळे शोधकार्यात अडथळा निर्माण होतोय.
काल दुपारच्या सुमारास अशीच एक घटना मरीन ड्राइव्ह परिसरात घडली आहे. एक महिला नेमके हायटाइडच्या वेळी समुद्रात पडली, जवळजवळ २० फीटहून अधिक खोल पाणी होते पण पोलिसांनी जीवाची पर्वा न करता समुद्रात उडी मारली आणि महिलेला वाचवले. मरीन लाईन वरील पर्यटकांच्या सुरक्षेसाठी एक पोलीस गाडी नेहमीच त्या परिसरात तैनात असते पण अनेकदा अतिउत्साही पर्यटकांच्या जीवावर सुद्धा बेततो तर काही हुल्लड बाजांमुळे कोणाचा जीव धोक्यातही जावू शकतो.