अजित पवार यांच्या महायुतीतील सहभागाने भाजपचे स्थानिक पातळीवरील कार्यकर्ते पदाधिकारी नाराज असल्याचे बोलले जाते. अजित पवार जर सत्तेत असतील तर भाजप वाढायला मर्यादा येतील, अशीही त्यांच्या मनात भावना असते. अशाच प्रकारच्या संतप्त भावना भाजपचे पुणे जिल्हा उपाध्यक्ष सुदर्शन चौधरी यांनी व्यक्त केल्या.
ते दोघे मंत्री झाले असते पण…
अजित पवार यांनी राहुल कुल, योगेश टिळेकर यांच्यावर अन्याय केलाय. नाहीतर आता हे दोघेही मंत्री झाले असते. अनेक लोकांना महामंडळ मिळाले असते. आमचे आबासाहेब सोनावणे आणि श्याम गावडे अजित पवार यांच्याकडे निधी मागायला गेले तर तुमचा काय संबंध, १० टक्के निधी देऊ, असे ते म्हणाले. अरे असली सत्ता आपल्याला कशाला हवीये, अशा उद्विग्न भावना त्यांनी व्यक्त केल्या.
आणखी एक बंद पडलेला साखर कारखाना अजितदादा घेणार? भाजप नेते कर्डिले म्हणाले….
राष्ट्रवादीचा टोकाचा विरोध केला, त्यांनाच सोबत घेतले
पुण्याचे पालकमंत्री बनवून त्यांना आमच्या बोकांडी बसवले आहे. त्यांनी आदेश द्यायचे आणि आम्ही ते फॉलो करायचे, अशी आमची अस्वस्था आहे. अनेक वर्षे आम्ही राष्ट्रवादी काँग्रेस पक्षाचा विरोध करतोय, त्याच राष्ट्रवादीला कशासाठी सोबत घेतले आहे? असा सवाल करीत भाजपचे कार्यकर्ते भीतीच्या वातावरणात आहेत. तुम्ही पुढील निर्णय लवकरात लवकर घेऊन अजितदादांना महायुतीबाहेर काढा, असे सुदर्शन चौधरी म्हणाले.युगेंद्र पवारांना तिकीट, भुजबळांची नाराजी ते विधानसभेच्या १५५ जागा, शरद पवार यांची रोखठोक प्रेस
आम्ही काय अजितदादांसाठी सत्ता आणायची का?
कार्यकर्त्यांचे मन काय सांगतेय हे ऐकून जर निर्णय घेणार असाल, तर अजित दादांना महायुतीतून बाहेर काढा. त्यांनी आजवर भाजप नेते आणि कार्यकर्त्यांवर अन्याय केला आहे. आमच्या अनेक लोकांना महामंडळ भेटले असते मंत्री झाले असते. अजित पवार जर आमच्यासोबत राहणार असतील तर अशी सत्ताच आम्हा भाजप कार्यकर्त्यांना नको. पुणे जिल्हा आणि सोलापूर जिल्ह्याची सारखीच परिस्थिती आहे. स्वाभिमानी नेतृत्व पुणे जिल्ह्याला मिळत नाही. लोकांचे हाल झालेले आहेत. गेले दहा-दहा वर्ष झाले आम्ही त्यांच्याशी दोन हात करत आहोत मात्र आता त्यांच्यासोबतच हात मिळवणे यात काय अर्थ आहे?
भाजपच्या बूथ लेवल पासून जिल्हा पातळीवरच्या प्रत्येक कार्यकर्त्यांचे म्हणणे आहे की अजित पवार नकोत. आम्ही काय अजितदादांसाठी सत्ता आणायची का? पालकमंत्री होऊन त्यांनी बॉस व्हायचं आणि भारतीय जनता पार्टीचा कार्यकर्त्यांना भरडण्याचे काम होणार असेल तर सत्ता आम्हाला नको. आमच्या लोकांना आमदार होऊ द्या, त्यांनी पक्ष वाढवला आहे. आमच्यासारख्या कार्यकर्त्यांना बळ दिलं आहे.