काँग्रेसचे जेष्ठ नेते आणि माजी मंत्री राहिलेले बाळासाहेब शिवरकर हे हडपसर मतदारसंघातून विधानसभा लढवण्यास इच्छुक असल्यामुळे, हडपसरच्या जागेवर दावा करण्यासाठी दोन दिवसांपूर्वी त्यांनी एक बैठक घेतली होती. यामध्ये हडपसर काँग्रेस कमिटीचे सगळे पदाधिकारी कार्यकर्ते उपस्थित होते. स्वतः इच्छुक असल्यामुळे शिवरकर म्हणाले, हडपसरची जागा काँग्रेसला सुटावी अशी मागणी आपण वरिष्ठ नेत्यांकडे करू. तर कार्यकर्ते आणि पदाधिकारी यांनी तत्काळ बळीराम डोळे आणि इम्रान शेख यांची नावे पुढे केली. त्यामुळे शिवरकर यांची चांगलीच धांदल उडाली.
कोण आहेत बळीराम डोळे आणि इम्रान शेख?
बळीराम डोळे आणि इम्रान शेख हे काँग्रेसच्या युवक बॉडीवर काम करतात, युवकांचा मोठं पाठबळ त्यांच्या मागे आहे. काँग्रेस इंटेक अध्यक्ष बळीराम डोळे आहे. तर काँग्रेस पुणे शहर संघटक म्हणून इम्रान शेख काम पाहतात. गेली अनेक वर्षे काँग्रेस कमिटीमध्ये हे दोघे काम करतात. कार्यकर्त्यांशी जोडल्या गेल्याने बैठकी दरम्यान अनेक कार्यकर्त्यांनी या दोघांची नावं पुढे केली. ५० ते ६० कार्यकर्त्यांनी तर व्हॉट्सअप स्टेटस ठेवत मागणीला पाठिंबा दिला.
हडपसर मतदारसंघा मुस्लिम बहुल मतदारसंघ आहे. सोबत एसीसी, एसटी अशी मागासवर्गीय जातीची लोकसंख्या पण अधिक आहे. यासाठी महायुतीच्या शिवसेनेच्या नाना भानगिरे यांनी जोरदार तयारी केली आहे. तर हा मतदारसंघ राष्ट्रवादीला सुटणार अशी चर्चा असल्यामुळे शरद पवारांनी तगडा उमेदवार रिंगणात उतरवला आहे. परंतु, आता काँग्रेस पण या मतदारसंघावर दावा करत असल्याने ही जागा कोणाला सुटेल याकडे सर्वांचं लक्ष असणार आहे.