मोदी ट्वीट करुन काय म्हणाले?
“आणीबाणीच्या काळात लढा देणाऱ्या सर्व पुरुष आणि स्त्रियांना आदरांजली वाहण्याचा आज दिवस आहे. आणीबाणीचा काळ आपल्याला आठवण करुन देतो की देशातील नागरिक ज्या संविधानाला सर्वोच्च मानतो त्याच संविधानाची मूल्य काँग्रेसने पायदळी तुडवले. सत्तेत राहण्यासाठी काँग्रेसने देशातील नागरिकांचा लोकशाहीचा अधिकार हिसकावून घेतला त्यांना तुरुंगात टाकले. पुढे मोदींनी ट्वीट केले याच लोकांनी अभिव्यक्ती स्वातंत्र्यावर गदा आणला, निर्भीड पत्रकारितेची मूल्य चिरडली, नागरिकांच्या प्रत्येक मूलभुत अधिकारांवर गदा आणली. आणीबाणी लादणारा पक्ष त्याच विचारधारेने अजूनही जिवंत आहे, देशातील नागरिकांनी म्हणून त्यांना सत्तेबाहेर ठेवले आहे” असे मोदींनी ट्वीट करुन काँग्रेस पक्षावर टीका केली आहे.
काल सुरु झालेल्या संसदेच्या अधिवेशनात मोदींनी खासदारकीची शपथ घेतल्यानंतर मोदी आणि राहुल गांधी समोरासमोर आले होते यावेळी मोदींना राहुल गांधींनी संविधानाची प्रत दाखवली होती. विरोधकांनी लोकसभेच्या निवडणुकीत मोदी चारशे पार झाल्यावर संविधान बदलतील असा आरोप केला होता. विरोधकांचा संविधान बदलण्याच्या आरोपामुळे लोकसभेत भाजपला मोठा फटका बसला.
यानंतरही काल संसदेत संविधानाची प्रत हातात घेत विरोधकांनी संसदभवनात प्रवेश केला. याच गोष्टीवरुन मोदींनी आज संविधानाचा मुद्द्यावर काँग्रेसला प्रत्युत्तर दिले आहे. ट्वीटमध्ये मोदी म्हणालेत ज्यांनी आणीबाणीचा विरोध केला त्यांना त्रास दिला. ज्या पक्षाने देशात आणीबाणी लागू केली त्या पक्षाला संविधानाबद्दल बेगडी प्रेम दाखवण्याचा अधिकार नाही.