छोटा शकीलचा एक फोन होते का पूर्ण
मेगा रिअल इस्टेट प्रकल्प आणि इतर व्यावसायिक प्रकल्पांमध्ये दाऊदचे पैसे गुंतवताना छोटा शकीलला जेव्हा जेव्हा कोणत्याही ठिकाणी धमकावण्याची किंवा पावर दाखविण्याची गरज भासायची तेव्हा छोटा शकील हा आरीफला मुंबई ही कामगिरी द्यायचा. मुंबईच्या बाजारपेठेत दक्षिणेतील एका मोठ्या रिअल इस्टेट कंपनीच्या प्रवेशासाठी आरिफने मैदान तयार केल्याचे नुकतेच उघड झाले. आरिफ आणि त्याचा भाऊ शब्बीर यांना राष्ट्रीय तपास संस्थेने (NIA) मे 2023 मध्ये अटक केली होती. दाऊद इब्राहिम, छोटा शकील आणि त्यांच्या काही निकटवर्तीयांना दहशतवादी निधी पुरवल्याचा आरोप त्याच्यावर होता.
वडिलांचा जेवायला फोन पण दहा मिनिटात ओमच्या मृत्यूची बातमी आली, भालेराव कुटुंबावर दु:खाचा डोंगर
डी कंपनीचे कंबरडे मोडण्याचा प्रयत्न :
एनआयएने आरिफ आणि त्याच्या भावावर लष्कर-ए-तैयबासारख्या पाकिस्तानी दहशतवादी संघटनांसोबत काम केल्याचा आरोपही केला आहे. त्याचवेळी डी कंपनीशी संबंध असल्याने कोर्टाने आरिफला जामीन देण्यासही नकार दिला होता. आरिफ व्यतिरिक्त मोहम्मद सलीम कुरेशी उर्फ सलीम फ्रूट याच्यावर दहशतवादी कारवायांसाठी व्यावसायिकांकडून पैसे उकळल्याचा आरोप आहे. सलीम फ्रूट दाऊदची बहीण हसिना पारकरच्या जवळचा होता. एनआयने आरिफसह या लोकांना अटक करून डी कंपनीचे कंबरडे मोडण्याचा प्रयत्न केला.
2006 मध्ये आरिफला दुबईतून हद्दपार करण्यात आले होते. सर्वात मोठा प्रश्न हा आहे की आरिफच्या मृत्यूनंतर छोटा शकील त्याच्या जागी कोण येणार? त्याचा मृत्यू हा छोटा शकीलसाठी मोठा धक्का आहे. आरीफला 2006 मध्ये दुबईतून अन्य 11 जणांसह यूएईमध्ये बेकायदेशीरपणे राहण्याच्या आरोपावरून हद्दपार करण्यात आले होते. त्याची बहीण आणि छोटा शकीलची पत्नी कराचीत राहतात. तर आरीफ पूर्वी आपल्या कुटुंबासह ठाण्याच्या मीरा रोडवर राहत होता. त्याच्या अटकेनंतर एनआयएने आरिफचा मीरा रोड येथील गौरव ग्रीन कोऑपरेटिव्ह हाउसिंग सोसायटीमधील फ्लॅटही जप्त केला होता.