काँग्रेस कमिटी गेल्या अनेक वर्षांपासून रंगरोटी झाली नसल्याने भकास बनली होती.मात्र आता त्याच काँग्रेस कमिटीचे नशीब बदलू लागले आहे.कारण आतून काँग्रेस कार्यालयाची रंगरंगोटी करण्यात येत आहे.आतील खोल्या पासून बरचं काही रंगकाम करण्यात येत आहे. मात्र अचानकपणे हा बदल झाला नसल्याचे चर्चा काँग्रेस कार्यालयात सुरू आहे कारण कार्यालयाच्या नूतनीकरणासाठी मिरज विधानसभा निवडणूक लढवण्यासाठी इच्छुक उमेदवाराकडून काँग्रेस कार्यालयाला देणगीचा हात देण्यात आल्याचा बोललं जातंय.
सांगली जिल्ह्यामध्ये काँग्रेसचे दोन आमदार आहेत,गत सांगली विधानसभा निवडणूक लढवणारे पृथ्वीराज पाटील शहर जिल्हाध्यक्ष आहेत,तर जतचे काँग्रेसचे आमदार विक्रम सावंत,हे जिल्हाध्यक्ष आहेत.या शिवाय जिल्ह्यातील जिल्हा परिषद महापालिका,मार्केट कमिटी,जिल्हा मध्यवर्ती बँक,अशा ठिकाणी काँग्रेसचा दबदबा आहे.महापालिकेत नगरसेवक अशी भली मोठी फौज आहे व शहरातल्या मध्यवर्ती ठिकाणी असणारे काँग्रेस कार्यालय हे गेल्या अनेक वर्षांपासून ओसाड असल्याप्रमाणे राहिला आहे.कारण जिल्ह्यात काँग्रेसमधील असणारया गटबाजीमुळे काँग्रेस कार्यालयाकडे कोणत्याच नेत्याचं लक्ष गेलं नाही.
सांगलीतून आपले पाच आमदार निवडून आणायचे, वसंतदादांच्या विचारांच्या नेत्याला मुख्यमंत्री बनवायचंय : विशाल पाटील
वसंतदादा पाटील यांच्या नेतृत्वाखाली शहरातील काँग्रेस कार्यालयातुन काँग्रेसचे घोडदौड सुरू झाली, ती गेल्या पाच वर्षांपर्यंत कायम होती काँग्रेस कार्यालय हे नेहमीच कार्यकर्त्यांनी गजबजळून जायचं मात्र गेल्या काही वर्षात काँग्रेसमधली अंतर्गत गटबाजी त्यामुळे या कार्यालयाकडे कोणीच फारसं लक्ष दिलं नाही,याशिवाय या कार्यालयाच्या जागेच्या ताब्यावरून देखील असणारे न्यायप्रविष्ठ बाप त्यामुळे कार्यालयाचे रंगोटी कोण करणार हा प्रश्न नेहमीच निर्माण व्हायचा.
मंत्राचा लोकसभा निवडणुकी नंतर विशाल पाटलांनी मिळवलेला विजय हा जिल्ह्यातल्या काँग्रेसला रिचार्ज करणारा ठरलाय. लोकसभा निवडणुकीदरम्यान विशाल पाटलांना उमेदवारी नाकारल्यानंतर संतप्त झालेल्या विशाल पाटील समर्थकांनी काँग्रेस कार्यालयाच्या इमारतीवरील काँग्रेस हा शब्द पुसून टाकला होता मात्र त्या ठिकाणी पुन्हा विशाल पाटलांनी डिजिटल फ्लेक्स लावला पण इमारतीची रंगरंगोटी हा प्रश्न तसाच होता. मात्र आता जिल्ह्यातलं चित्र विश्वजीत आणि विशाल पाटील यांच्या एकत्रित गट्टी मुळे बदलून गेले काँग्रेस एक संघ असल्याचं या लोकसभा निवडणुकी मधून संपूर्ण जिल्ह्याला विश्वजीत आणि विशाल पाटलांनी दाखवून दिलं.
काँग्रेस कार्यालयाकडे सगळ्यांच्याच नजरा वळल्या
आगामी विधानसभा निवडणुकीसाठी इच्छुक उमेदवारांकडून आता काँग्रेस कार्यालयाला नवीन झळाळी मिळू लागली आहे.मिरजेतुन विधानसभा निवडणुकीसाठी इच्छुक असणाऱ्या एका नेत्याने काँग्रेस सेवादलाच्या कार्यकर्त्यांनी मागणी केल्यावर 50 हजारांची देणगी दिल्याची चर्चा सध्या सुरू आहे,दरम्यान आता काँग्रेसच्या इमारतीची बाहेर बाजू कोण रंगवणार ?यासाठी जिल्हाध्यक्ष किंवा शहर अध्यक्ष पुढे येतात की विधानसभा निवडणुक लढवणार इच्छुक पुढे येतो,याबाबत ही चर्चा सुरू झाली आहे,मात्र विधानसभेसाठी इच्छुक असणाऱ्या उमेदवारांमुळे काँग्रेस कार्यालयाचे,मात्र नशीब उजळणार असल्याचं चर्चा चांगलीच रंगली आहे.