मुंबई: लोकसभा निवडणुकीत सर्वाधिक स्ट्राईक राखणाऱ्या शरद पवारांच्या राष्ट्रवादी काँग्रेसनं आता विधानसभेची तयारी सुरु केली आहे. लोकसभा निवडणुकीत शरद पवार गटाचे उमेदवार असलेल्या अनेक मतदारसंघांमध्ये अपक्ष उमेदवारांना पिपाणी चिन्ह देण्यात आलं. या उमेदवारांनी ३० ते ४० हजार मतं घेतली. दिंडोरीत तर पिपाणी चिन्हाला लाखभर मतं मिळाली. यानंतर आता पवार गटानं विधानसभा निवडणुकीसाठी पिपाणी चिन्ह वगळण्याची विनंती निवडणूक आयोगाला केली आहे. यासंदर्भात पवार गटाकडून आयोगाला पत्र लिहिण्यात आलं आहे.
शरद पवारांना निवडणूक आयोगाकडून तुतारी वाजवणारा माणूस चिन्ह मिळालं. नवं चिन्ह असल्यानं मतदारांपर्यंत चिन्ह पोहोचवण्यासाठी पवार गटाला वेळ लागला. त्यातच तुतारीसदृश्य पिपाणी चिन्ह काही अपक्ष उमेदवारांना देण्यात आलं. त्याचा फटका शरद पवारांच्या उमेदवारांना बसला. राष्ट्रवादी काँग्रेसच्या स्थापनेपासून शरद पवारांकडे असलेली साताऱ्याची लोकसभा पक्षाला गमवावी लागली. इथे शरद पवार गटाचे उमेदवार शशिकांत शिंदे ३२ हजार ७७१ मतांनी पराभूत झाले. इथे पिपाणी चिन्हावर लढलेल्या संजय गाडे नावाच्या अपक्ष उमेदवारानं ३७ हजार मतं घेतली.
आता विधानसभेची निवडणूक अवघ्या काही महिन्यांवर आली आहे. तुतारी वाजवणारा माणूस आणि पिपाणी चिन्ह यांच्यात असलेल्या साधर्म्याचा फटका बसू नये यासाठी शरद पवार गटानं पिपाणी चिन्ह यादीतून वगळण्याची विनंती निवडणूक आयोगाकडे केली आहे. संभाव्य नुकसान टाळण्यासाठी पवार गटानं आयोगाला पत्र दिलं आहे. पवारांची विनंती मान्य झाल्यास विधानसभेला कोणत्याही अपक्ष उमेदवाराला पिपाणी चिन्ह मिळणार नाही. त्यामुळे संभ्रमातून पिपाणीला होणारं मतदान टळेल. याचा फायदा पवार गटाला होईल.
शरद पवारांना निवडणूक आयोगाकडून तुतारी वाजवणारा माणूस चिन्ह मिळालं. नवं चिन्ह असल्यानं मतदारांपर्यंत चिन्ह पोहोचवण्यासाठी पवार गटाला वेळ लागला. त्यातच तुतारीसदृश्य पिपाणी चिन्ह काही अपक्ष उमेदवारांना देण्यात आलं. त्याचा फटका शरद पवारांच्या उमेदवारांना बसला. राष्ट्रवादी काँग्रेसच्या स्थापनेपासून शरद पवारांकडे असलेली साताऱ्याची लोकसभा पक्षाला गमवावी लागली. इथे शरद पवार गटाचे उमेदवार शशिकांत शिंदे ३२ हजार ७७१ मतांनी पराभूत झाले. इथे पिपाणी चिन्हावर लढलेल्या संजय गाडे नावाच्या अपक्ष उमेदवारानं ३७ हजार मतं घेतली.
आता विधानसभेची निवडणूक अवघ्या काही महिन्यांवर आली आहे. तुतारी वाजवणारा माणूस आणि पिपाणी चिन्ह यांच्यात असलेल्या साधर्म्याचा फटका बसू नये यासाठी शरद पवार गटानं पिपाणी चिन्ह यादीतून वगळण्याची विनंती निवडणूक आयोगाकडे केली आहे. संभाव्य नुकसान टाळण्यासाठी पवार गटानं आयोगाला पत्र दिलं आहे. पवारांची विनंती मान्य झाल्यास विधानसभेला कोणत्याही अपक्ष उमेदवाराला पिपाणी चिन्ह मिळणार नाही. त्यामुळे संभ्रमातून पिपाणीला होणारं मतदान टळेल. याचा फायदा पवार गटाला होईल.