पुणे: पुण्यातील कल्याणीनगरमध्ये पोर्शे कारनं दुचाकीला धडक दिल्याची घटना ताजी असताना तसाच प्रकार पुन्हा घडला आहे. आंबेगाव तालुक्यात कार चालकानं दुचाकीवरील दोघांना चिरडलं. यातील एकाचा जागीच मृत्यू झाला. तर दुसरा गंभीर जखमी आहे. कार चालक तरुण हा आमदार दिलीप मोहिते पाटील यांचा पुतण्या असल्याची माहिती पुढे आली आहे. मोहिते पाटील हे राष्ट्रवादी काँग्रेसचे आमदार आहेत.
दिलीप मोहिते पाटील खेड आळंदी मतदारसंघाचे आमदार आहेत. त्यांचा पुतण्या मयूर साहेबराव मोहितेविरुद्ध मंचर पोलीस ठाण्यात तक्रार दाखल करण्यात आली आहे. काल रात्री आंबेगाव तालुक्यातील एकालहरे गावाजवळ रात्री उशिरा अपघात झाला. या अपघातात ओम सुनिल भालेराव या तरुणाचा मृत्यू झाला. या प्रकरणी नितीन रामचंद्र भालेराव यांनी मंचर पोलीस ठाण्यात तक्रार दिली आहे.
अपघातावेळी कार चालक मयूर मोहिते मद्यधुंद अवस्थेत असल्याचा आरोप झाला आहे. तो राँग साईडनं कार चालवत होता. आमदार दिलीप मोहिते पाटील यांनी पुतण्यावरील आरोप फेटाळले आहेत. मी चुकीच्या गोष्टींचं समर्थन करत नाही. माझा पुतण्या पेशानं इंजिनीअर आहे. तो उद्योजक आहे. तो आयुष्यात कधीही दारु प्यायलेला नाही. घडलेला प्रकार चुकीचा आहे. ज्या कुटुंबावर दु:खाचा डोंगर कोसळला, त्यांच्या दु:खात मी सहभागी आहे. मी त्या कुटुंबाची भेट घेणार आहे, असं मोहिते पाटील म्हणाले.
नीट पेपरफुटीचं महाराष्ट्र कनेक्शन; नांदेड एटीएसच्या धाडी, दोन शिक्षक ताब्यात, चौकशी सुरु
मयूर मोहिते पाटील नेमका कोण?
अपघातावेळी कार चालवणारा मयूर मोहिते हा इंजिनीअर आहे. तो डेव्हलपिंग ऍण्ड इंडस्ट्रीयल सप्लायर्स व्यवसाय सांभाळतो. जिल्हा परिषदेची निवडणूक लढवण्यास तो इच्छुक आहे. आमदार दिलीप मोहितेंचे मोठे सख्खे बंधू साहेबराव मोहितेंचा तो मुलगा आहे. आमदार मोहितेंच्या पाठोपाठ मयूर सर्व राजकीय धुरा सांभाळतो.
दिलीप मोहिते पाटील खेड आळंदी मतदारसंघाचे आमदार आहेत. त्यांचा पुतण्या मयूर साहेबराव मोहितेविरुद्ध मंचर पोलीस ठाण्यात तक्रार दाखल करण्यात आली आहे. काल रात्री आंबेगाव तालुक्यातील एकालहरे गावाजवळ रात्री उशिरा अपघात झाला. या अपघातात ओम सुनिल भालेराव या तरुणाचा मृत्यू झाला. या प्रकरणी नितीन रामचंद्र भालेराव यांनी मंचर पोलीस ठाण्यात तक्रार दिली आहे.
अपघातावेळी कार चालक मयूर मोहिते मद्यधुंद अवस्थेत असल्याचा आरोप झाला आहे. तो राँग साईडनं कार चालवत होता. आमदार दिलीप मोहिते पाटील यांनी पुतण्यावरील आरोप फेटाळले आहेत. मी चुकीच्या गोष्टींचं समर्थन करत नाही. माझा पुतण्या पेशानं इंजिनीअर आहे. तो उद्योजक आहे. तो आयुष्यात कधीही दारु प्यायलेला नाही. घडलेला प्रकार चुकीचा आहे. ज्या कुटुंबावर दु:खाचा डोंगर कोसळला, त्यांच्या दु:खात मी सहभागी आहे. मी त्या कुटुंबाची भेट घेणार आहे, असं मोहिते पाटील म्हणाले.
नीट पेपरफुटीचं महाराष्ट्र कनेक्शन; नांदेड एटीएसच्या धाडी, दोन शिक्षक ताब्यात, चौकशी सुरुमयूर मोहिते पाटील नेमका कोण?
अपघातावेळी कार चालवणारा मयूर मोहिते हा इंजिनीअर आहे. तो डेव्हलपिंग ऍण्ड इंडस्ट्रीयल सप्लायर्स व्यवसाय सांभाळतो. जिल्हा परिषदेची निवडणूक लढवण्यास तो इच्छुक आहे. आमदार दिलीप मोहितेंचे मोठे सख्खे बंधू साहेबराव मोहितेंचा तो मुलगा आहे. आमदार मोहितेंच्या पाठोपाठ मयूर सर्व राजकीय धुरा सांभाळतो.