धोंडे जेवणात जावयानेच सासू आणि आईचे पाय धुवावे, सुप्रिया सुळेंकडून सामाजिक बदलाचं आवाहन

पुणे : धोंडे जेवणाला सासूने जावयाचे पाय धुवायच्या ऐवजी जावयाने सासू आणि आईचे पाय धुवायला पाहिजेत, असा प्रथेत बदल करण्यास बारामतीच्या खासदार सुप्रिया सुळे यांनी सुचवलं. रील व्हिडिओ पाहताना आपल्याला या प्रथेविषयी माहिती मिळाली. मी रोज पाचच मिनिटं रील पाहते, त्यापेक्षा जास्त पाहिलं तर रील्स लॉक होण्याची फोनमध्ये सेटिंग आहे, असं सुळे सांगत होत्या. यशवंतराव चव्हाण सेंटरमध्ये यशस्विनी सन्मान सोहळा व पुस्तक प्रकाशन कार्यक्रमात त्या बोलत होत्या.

सुप्रिया सुळेंनी काय किस्सा सांगितला?

माझी सगळ्यात लाडकी स्टोरी धोंडं जेवण म्हणतात ना.. त्याची आहे. मला हे कौतुकास्पद वाटतं, कारण शिंदेंनी (प्रतिभा पवार यांचे माहेर) कधी पवारांना बोलावलं नाही, ना पवारांनी कधी सदानंद सुळेंना बोलावलं. मला धोंडं जेवण काय असतं, हे माहितच नव्हतं, मला धोंडं जेवण कुणामुळे कळलं तर रीलमुळे… असं सुप्रिया सुळे सांगत होत्या.
Chhagan Bhujbal : भुजबळांना पक्षात घेऊ नका, बाळासाहेबांना दिलेला त्रास विसरलात का? ठाकरेंचा माजी आमदार आक्रमक

जावयाने सासूचे पाय धुवावेत

पुढे त्या म्हणाल्या, की कोणीतरी मला सांगितलं, दर तीन वर्षांनी जावयाला बोलवायचं आणि जावयाचे पाय धुवायचे… म्हटलं कशासाठी… तर म्हणाले अशीच पद्धत असते… मी म्हटलं, माझ्या लोकसभा मतदारसंघात मी बदल करणार… जरुर धोंडी जेवण करा… माझा त्याला विरोध नाही.. पण असं करुया आपण.. सासूने त्याचे पाय धुवायच्या ऐवजी.. जावयाने सासूचे आणि आईचे पाय धुवायला पाहिजेत… की एवढी सोन्यासारखी मुलगी आम्हाला दिलीत… असा बदल सुप्रिया सुळे यांनी सुचवला.
Sharad Pawar: शरद पवारांचं मिशन विधानसभा, दोन शिलेदारांना महाराष्ट्राची जबाबदारी, आठ खासदारांना बळ

जावयाला मुलगा करा आणि सुनेला मुलगी

घरी जेवायला बोलवा.. घरी जेवायला जा… पुरणपोळी करा.. काही करा.. पण आई वडिलांना पाय धुवायला लावू नका.. हे कुठेतरी थांबलं पाहिजे.. जावयाला मुलगा करा आणि सुनेला मुलगी करा.. डोक्यावर बसवा… हृदयात ठेवा.. धोंडे जेवण हे निमित्त आहे… पण लोकप्रतिनिधी बदल करतो, तेव्हा सर्वांना पटतं.. यालाच सामाजिक क्रांती म्हणतात, असं सुप्रिया सुळेंनी सांगितलं.
Read Latest Maharashtra News Updates And Marathi News

रोज पाच मिनिटं रील बघते

दरम्यान, मी रोज पाच मिनिटं रील बघते, हे मी कबूल करते, पण मी पाचच मिनिटं बघते. माझ्या फोनला लॉक आहे. जर मी २४ तासात पाच मिनिटं रील पाहिलं, तर माझं रील लॉक होतं. नाहीतर दोन तास गेले-झालं… खासदारकी तिथेच गेली रील बघण्यात, अशी मिश्कील टिपणीही सुप्रिया सुळेंनी केली.

तुम्हालाही विनंती करेन पाचच मिनिटं रील बघा. पण त्यात बघता ते खरं नसतं, काल ते पत्रकार मला सांगत होते, कॉमेंट द्यायला. वंदनाताई तु्म्ही पण जरा लक्ष द्या… आज काल मी बघते पुणेकरांमध्ये.. रील करुन नको नको ते व्हायला लागलंय.. हे कुठेतरी थांबवा.. त्यात रिस्कही इन्व्हॉल्व आहे… रील्स गंमत म्हणून ठीक आहे… पण गंमत आहे, हे समजून करा… मी वर्तमानपत्रात पाहते, अतिशय काळजीचं आहे. त्यामुळे रीलमध्ये सेफ्टी फर्स्ट. घरी जाऊन प्रत्येकाने प्लीज हे मुलांना सांगा, अशी विनंती सुप्रिया सुळेंनी केली.