मुंबई: अटल सेतू पुलाच्या मुख्य भागावर कोणतेही तडे गेले नसून विविध माध्यमांतून त्याबाबत अफवा पसरवल्या जात असल्याचे निदर्शनास आले आहे. कृपया अफवांवर विश्वास ठेवू नका, असं स्पष्टीकरण मुंबई महानगर प्रदेश विकास प्राधिकरणाकडून देण्यात आले आहे. याबाबत त्यांनी एक व्हिडिओ सोशल मीडियावर शेअर केला आहे. अटल सेतुच्या रस्त्याला तीन महिन्यातच भेगा पडल्या असून एका भागात अर्धा किलोमीटरपर्यंत रस्ता एक फूट खाली खचला असल्याचा आरोप करण्यात आला होता. यानंतर आता MMRDA ने स्पष्टीकरण दिले आहे.
मुंबई महानगर प्रदेश विकास प्राधिकरणाने सांगितले की, अटल सेतूला जोडणाऱ्या पोहोचमार्गावर किरकोळ भेगा आढळून आल्या आहेत. हा पोहाचमार्ग मुख्य पुलाचा भाग नसून तो पुलाला जोडणारा सेवा रस्ता आहे. तसेच उत्पन्न झालेल्या भेगा या प्रकल्पातील संरचनात्मक दोषांमुळे नसून त्यामुळे पुलाच्या संरचनेला कोणताही धोका नसल्याचे लक्षात घेणे अत्यंत महत्त्वाचे आहे. प्रकल्पाच्या ऑपरेशन आणि मेंटेनन्स टीमने २० जून २०२४ रोजी केलेल्या तपासणीदरम्यान, उलवेकडून मुंबईच्या दिशेला जाणाऱ्या रॅम्प क्रमांक ५ अस्फाल्टवर तीन ठिकाणी किरकोळ भेगा निदर्शनास आल्या असून त्या त्वरीत दुरूस्त करण्यासारख्या आहेत.
मुंबई महानगर प्रदेश विकास प्राधिकरणाने सांगितले की, अटल सेतूला जोडणाऱ्या पोहोचमार्गावर किरकोळ भेगा आढळून आल्या आहेत. हा पोहाचमार्ग मुख्य पुलाचा भाग नसून तो पुलाला जोडणारा सेवा रस्ता आहे. तसेच उत्पन्न झालेल्या भेगा या प्रकल्पातील संरचनात्मक दोषांमुळे नसून त्यामुळे पुलाच्या संरचनेला कोणताही धोका नसल्याचे लक्षात घेणे अत्यंत महत्त्वाचे आहे. प्रकल्पाच्या ऑपरेशन आणि मेंटेनन्स टीमने २० जून २०२४ रोजी केलेल्या तपासणीदरम्यान, उलवेकडून मुंबईच्या दिशेला जाणाऱ्या रॅम्प क्रमांक ५ अस्फाल्टवर तीन ठिकाणी किरकोळ भेगा निदर्शनास आल्या असून त्या त्वरीत दुरूस्त करण्यासारख्या आहेत.
अटल सेतू प्रकल्पाच्या पॅकेज ४ चा कंत्राटदार, मेसर्स स्ट्रॅबॅग या कंपनीने सदर भागातील दुरुस्तीचे काम सुरू केले असून सेतूवरील वाहतुकीला कोणताही अडथळा न होऊ देता २४ तासांत हे काम पूर्ण केले जाणार असल्याचे आश्वासन मुंबई महानगर प्रदेश विकास प्राधिकरणाकडून देण्यात आले आहे. अटल सेतूला भेगा पडल्याचा आरोप कॉग्रेसकडून करण्यात आला होता. नाना पटोलेंनी याबाबत आरोप केला होता. यानंतर चर्चांना उधाण आले होते. मात्र आता मुंबई महानगर प्रदेश विकास प्राधिकरणाच्या स्पष्टीकरणानंतर कुठेतरी या चर्चांना पूर्णविराम लागला आहे.