अट्टल गुन्हेगाराने कारागृहाच्या दारातून धूम ठोकली, पोलिसांना चकवा देत रेल्वे गाठली, पण…

इस्लामपूरमध्ये एका महिलेचा खून झाला होता. या प्रकरणी पोलिसांनी मुवाज मुलाणीला अटक केली होती. न्यायालयाने त्याला कोठडीत ठेवण्याचे आदेश दिले होते. त्यामुळे पोलीस त्याला सांगली कारागृहात जमा करण्यासाठी घेऊन आले होते. पोलिसांच्या व्हॅनमधून उतरल्यावर मुलाणीने पळ काढला. कारागृहाच्या गेटवर त्याने हातातील हातकडी काढली आणि तो वेगाने धावला. पोलिसांनी त्याचा पाठलाग केला, पण तो सापडला नाही.
Jalgaon News: भावाला फोन, मित्रांना मेसेज, खिशात चिठ्ठी ठेवून तरुणाने जीव दिला; पाहताच भावाने हंबरडा फोडला, जळगाव हादरलं
त्यानंतर पोलिसांनी तातडीने जिल्ह्यातील सर्व पोलीस स्टेशनला माहिती दिली. “संशयित मुवाज मुलाणी हा मिरज जंक्शनमध्ये कोयना एक्स्प्रेसमध्ये असल्याची माहिती पोलिसांना मिळाली,” असे पोलिसांनी सांगितले. पोलिसांनी लगेच कोयना एक्स्प्रेस थांबवली आणि त्याला अटक केली.

कारागृहाच्या गेटवरून खुनातील संशयित आरोपीने पलायन केल्याने पोलिसांचे मात्र धाबे दणाणले होते. या घटनेमुळे पोलीस प्रशासनात खळबळ उडाली आहे. आरोपीला पकडण्यासाठी पोलिसांनी तत्परता दाखवली. त्यामुळे मोठा अनर्थ टळला.
MP News: तुझ्या जेवणाची आठवण येतेय! लेकाचा कॉल, आईनं डबा धाडला, पण…; इच्छा अधुरी ठेवून मुलाची एक्झिट
दुसरीकडे, जळगाव जिल्ह्यातील यावल तालुक्यातील एका २२ वर्षे तरुणीला जळगावला बोलवून तिला बुरखा घालण्यास भाग पाडले. बुरखा काढल्यास जीवे ठार करू अशी थेट धमकी तरुणाने दिली. लव जिहादच्या या प्रकरणामुळे मोठी खळबळ उडालीये. स्नॅपचॅटवर चॅटींग करून “माझे प्रपोज स्विकार कर नाही तर मी जीव देईल”अशी धमकी देत यावल तालुक्यातील एका तरूणीचा विनयभंग केला. हेच नाही तर जबरदस्तीने बुरखा घालून देत बुरखा काढला तर जीवे ठार मारण्याची धमकी देण्यात आली. हा धक्कादायक प्रकार बुधवारी ४ जून रोजी सकाळी ११ वाजताच्या सुमारास घडला. याप्रकरणी सायंकाळी ५ वाजता रामानंद नगर पोलीस ठाण्यात दोन जणांविरोधात गुन्हा दाखल करण्यात आला आहे. यातील एकाला अटक देखील करण्यात आली आहे. यावल तालुक्यातील एका गावात २२ वर्षीय तरूणी ही आपल्या कुटुंबियांसह राहते. ती चोपडा येथील एका फार्मसी महाविद्यालयात शिकत आहे.