रस्त्यावर पत्रा शेड टाकण्यावरून वाद टोकाला, हैराण करणारी घटना

रात्री साडेनऊ वाजण्याच्या सुमारास घडली घटना

घटनास्थळावरून मिळालेली माहिती अशी की, 2 जून रोजी रात्री साडेनऊ वाजण्याच्या सुमारास अच्चकनहळी येथील बिरोबा मंदिराच्या शेजारी मंजुनाथ नारायण काळे (मूळ रा. तोगलबागी, ता. जमखंडी, जि. बागलकोट, सध्या रा.अच्चनहळी जत) हा आपल्या घरासमोर रस्त्यावर पत्रा शेड टाकत होता. यामुळे सार्वजनिक रस्त्यावर अडथळा निर्माण होईल म्हणून गावातील रहिवासी बाबू उर्फ हिरोल रामचंद्र मल्लाळकर (वय २७) याने विरोध केला.
Santosh Ladda Robbery Case : लड्डा दरोडा प्रकरणाचे नांदेड कनेक्शन, चोरीचे सोने चक्क सराफाला विकले; तपासासाठी पोलीस तळ ठोकूनरस्त्यावर पत्रा शेड टाकण्यावरून वाद टोकाला

त्यावरून वाद होऊन याच वादाच्या रागातून मंजुनाथ काळे याने लाकडी दांडक्याने आणि कुऱ्हाडीसारख्या धारदार हत्याराने हिरोल याला मारहाण केली. गंभीर जखमी अवस्थेतच त्याचा घटनास्थळीच मृत्यू झाला. घटनेची माहिती मिळताच पोलीस निरीक्षक संदीप कोळेकर यांनी घटनास्थळी भेट देऊन आरोपी मंजुनाथ काळे याला ताब्यात घेतले. उर्वरित फरार आरोपींविरोधात शोधमोहीम सुरू आहे. दरम्यान सावित्री मल्लाळकर यांच्या तक्रारीनुसार, मंजुनाथ काळे याच्यासह कर्याप्पा कग्गोड, सावित्री काळे आणि चंदाबाई कग्गोड या तिघांनी मिळून हिरोल याच्यावर अचानक हल्ला केला.

डोक्याला आणि पाठीवर जबर मारहाण धक्कादायक घटना

मंजुनाथ काळे याने डोक्यावर आणि पाठीवर जबर मारहाण केली, ज्यात हिरोलचा जागीच मृत्यू झाला, अशी फिर्याद दिली आहे. घटनेनंतर अच्चकनहळी गावात तणाव निर्माण झाला आहे. नागरिकांमध्ये संताप असून ग्रामस्थांनी आरोपींवर कठोर व तातडीने कारवाई करण्याची मागणी केली आहे. गावात पोलिस बंदोबस्त तैनात करण्यात आला असून पोलिसांनी नागरिकांना संयम बाळगण्याचे आवाहन केले आहे. पोलीस याप्रकरणी अधिक तपास करत आहेत.