शिवीगाळ करतोय असा समज, शेजाऱ्यांची बेदम मारहाण अन् तरुणाचा मृत्यू, सांगलीतील धक्कादायक घटना

स्वप्निल एरंडोलीकर, सांगली : कवठेमहांकाळ, तालुक्यातील लिंबेवाडी (रांजणी) एकाला शिवीगाळ करत असल्याचा समज करून घेऊन सात जणांनी काठ्या व कुन्हाडीने मारहाण करून गंभीर जखमी केल्याप्रकरणी, सात जणांच्या विरोधात कवठेमहांकाळ पोलीस ठाण्यात गुन्हा दाखल करण्यात आला आहे. जखमी सचिन शिवाजी वाघमोडे (वय ३५) राहणार लिंबेवाडी, रांजणी तालुका कवठेमहांकाळ यांचा रुग्णालयात उपचार सुरू असताना सातव्या दिवशी मृत्यू झाला आहे. सी. नम्रता सचिन वाघमोडे (वय २९) राहणार लिंबेवाडी, रांजणी यांनी फिर्याद दिली आहे. मारहाणीची घटना २३ मे रोजी शुक्रवारी रात्री नऊ वाजण्याच्या सुमारास घडलेली होती.

रांजणी गावालगत लिंबेवाडी येथील सचिन शिवाजी वाघमोडे हे दारू पिऊन घरी येऊन सचिन यांची पत्नी नम्रताला ते शिवीगाळ करीत असताना, त्यांच्या घरा शेजारी राहणारे भाऊसो वाघमोडे, साहेबराव वाघमोडे, नाना वाघमोडे, दादासो वाघमोडे, पोपट वाघमोडे, गजानन वाघमोडे, राजू वाघमोडे यांनी सचिन वाघमोडे हा आपल्यालाच शिवीगाळ करीत आहे असा समज करून घेतला.

यामध्ये या सात जणांनी सोबत काठ्या व कुऱ्हाड आणलेली होती. यातील साहेबराव वाघमोडे यांनी त्याच्या हातातील कुन्हाडीने सचिन वाघमोडे यांच्या डाव्या पायाच्या पिंढरी वरती मारून गंभीर जखमी केले. तसेच भाऊसो वाघमोडे, साहेबराव वाघमोडे, नाना वाघमोडे, दादासो वाघमोडे, पोपट वाघमोडे यांनी काठीने छातीवर व हाता पायावर तसेच नाना वाघमोडे,दादासो वाघमोडे व पोपट वाघमोडे, गजानन वाघमोडे यांनी लाथा बुक्क्‌यांनी मारहाण करून गंभीर जखमी करून जीवे मारण्याची धमकी दिली होती.

सात जणांच्या बेदम मारहाणीत सचिन वाघमोडे हे गंभीर हे. जखमी झाले होते. सचिन वाघमोडे यांच्यावर खाजगी रुग्णालयात उपचार सुरू होते असे समजते. सचिन वाघमोडे यांच्यावर रुग्णालयात उपचार सुरू असताना त्यांचा मृत्यू झाला आहे.मयत सचिन वाघमोडे यांच्या मृतदेहाचे शवविच्छेदन केल्यानंतर त्याचा अहवाल प्राप्त झाल्यानंतर पुढील गुन्हा दाखल करण्यात येणार आहे अशी माहिती समजते.