Maharashtra Breaking News LIVE 26 May 2025 : केंद्रीय गृहमंत्री अमित शाह आज नागपूर दौऱ्यावर

महाराष्ट्रात मान्सून बारा दिवस आधीच पोहचला आहे. त्याचवेळी राज्यातील अनेक भागांत मान्सूनपूर्व पाऊस सुरु आहे. पुणे आणि मुंबईत प्रचंड पाऊस झाला आहे. बारामतीमध्ये ढगफुटीसदृश्य पाऊस झाला. उपमुख्यमंत्री अजित पवार यांनी सोमवारी सकाळीच बारामती तालुक्यातील नुकसानीची पाहणी केली. सोमवारी राज्यातील सहा जिल्ह्यांना पावसाचा ऑरेंज अलर्ट दिला आहे. पाऊस चांगला झाला असला तरी शेतकऱ्यांनी पेरणीची घाई करु नये, असे आवाहन कृषी विभागाने केले आहे. सोलापूरमधील माळशिरसमध्ये कुरुबावी गावात पुरात अडकलेल्या सहा जणांना एनडीआरएफने वाचवले आहे. केंद्रीय गृहमंत्री अमित शाह यांचा आज नागपूर दौरा आहे. सकाळी ११ वाजता अमित शहा यांच्या हस्ते नॅशनल कँसर इंस्टिट्यूटमधील स्वस्तिक भवनचे भुमिपूजन होणार आहे. यासह राज्यातल्या, देशभरातल्या सामाजिक, राजकीय, क्रीडा व इतर विषयातील महत्वाच्या बातम्या व अपडेट्स जाणून घेण्यासाठी दिवसभर हा ब्लॉग फॉलो करत रहा..