पंख्याला गळफास लावून केली आत्महत्या
पोलिसांनी दिलेल्या माहितीनुसार, कॉन्स्टेबल विजय साळुंखे हे ३० मे पासून प्रकृतीच्या कारणामुळे रजेवर होते. शुक्रवारी, १४ जून रोजी संध्याकाळी ते सायन येथील प्रतिक्षा नगर परिसरातील त्यांच्या राहत्या घरात ते पंख्याला गळफास लावलेल्या अवस्थेत आढळले. कॉन्स्टेबल साळुंखे यांनी आत्महत्या केली तेव्हा ते घरात एकटेच होते. त्यांचे कुटुंबीय घरी आले असता त्यांनी विजय साळुंखे हे पंख्याला लटकलेले दिसले. त्यानंतर त्यांनी पोलिसांना या घटनेची माहिती दिली.
साडे आठच्या सुमारास पोलिसांना या घटनेची माहिती मिळताच पोलिसांचे पथक घटनास्थळी दाखल झाले. नंतर पोलिसांनी साळुंखे यांचा मृतदेह शवविच्छेदनासाठी पाठवला. घटनास्थळी एक सुसाईड नोटसुद्धा पोलिसांना मिळाली आहे. ज्यात विजय साळुंखे यांनी आपल्या पत्नीने केलेल्या छळाबाबत लिहले होते, असे अधिकाऱ्यांनी सांगितले. वडाळा ट्रक टर्मिनल पोलिसांनी या घटनेची नोंद केली असून पुढील तपास सुरू आहे.