पोहता येत नसतानाही विहिरीत उतरले, ४० फूट खोल पाण्याचा अंदाज चुकला आणि… सांगलीत हळहळ

या घटनेची माहिती मिळतात रेस्क्यू फोर्स टीमकडून ४० फूट खोल विहिरीतून अथक प्रयत्नानंतर दोघांना शोधून काढण्यात आलं आहे. सदर घटनेची नोंद आष्टा पोलिसांत नोंद झाली आहे.
Raju Shetti : शेतकऱ्यांनी जीव दिले नाहीत, सरकारच्या चुकीच्या धोरणामुळे जीव घेतलेत, राजू शेट्टींचा सरकारवर घणाघात

नेमकं काय घडलं?

३० एप्रिल रोजी दुपारी दोनच्या सुमारास नागाव रोडवरील वसाहती मधील पाच ते सहा तरुण बागणी रस्त्यावरील जगन्नाथ धोंडीराम मस्के यांच्या विहिरीत पोहायला गेले होते. यामधील केरप्पा बागडी याला पूर्णपणे पोहायला येत नव्हतं. विहिरीत केरबा बागडी बुडायला लागला आणि त्याने पुतण्या अजय बागडीला मिठी मारली. तेथील इतर तरुणांना लक्षात आलं नाही की दोघेही बुडत आहेत. बराच वेळ झाला दोघेही पाण्याच्या बाहेर आले नाहीत. त्यानंतर इतर तरुणांना ते विहिरीतील खोल पाण्यात बुडाल्याचं समजलं. इतर मुलांनी आरडाओरडा केला असता वेळ निघून गेली होती. दोघांचाही पाण्यात बुडून मृत्यू झाला होता.

Raigad News : आनंदाचा क्षण दु:खात बुडाला, घाटकोपरमधील तरुणासोबत कर्जतमध्ये अनर्थ घडला, कुटुंबावर शोककळा

विहिरीत पाणी जास्त असल्यामुळे त्या दोघांना पाण्यातून बाहेर काढण्यात अडचणी येत होत्या. त्यानंतर स्पेशल रेस्क्यू फोर्सला तात्काळ बोलावून त्या दोघांचे मृतदेह बाहेर काढण्यात आले. हे दोघेही तरुण मजुरी करून चिनीमातीच्या बरण्या विकून आपला आणि कुटुंबाचा उदरनिर्वाह करत होते. अजय बागडे याच्या वडिलांचं निधन झालं आहे. घरी तो आणि आई दोघेच राहत होते. तर केररप्पाच्या कुटुंबात आई-वडील, भाऊ, पत्नी, लहान मुलगा, मुलगी आहेत. रात्री उशिरा तपासणीनंतर मृतदेह कुटुंबांच्या ताब्यात देण्यात आला. अधिक तपास पोलीस करत आहेत.