दरवर्षी मनसे अध्यक्ष राज ठाकरे यांच्या वाढदिवसाच्या निमित्ताने कार्यकर्ते मोठ्या उत्साहात त्यांना भेटण्यासाठी येत असतात. त्याचप्रमाणे आजही कार्यकर्ते राज ठाकरे यांचे निवासस्थान असलेल्या शिवतीर्थाबाहेर मोठ्या संख्येने जमण्याचा अंदाज आहे.
काल रात्री केप कापताना राज ठाकरे यांच्या नावाच्या घोषणा देण्यात आल्या. सोबतच “तुम जियो हजारो साल, ये मेरी है आरजू, हॅपी बर्थडे टू यू साहेब” हे गाणं गात कार्यकर्त्यांनी उत्साह दाखवला. “महाराष्ट्र सैनिक येताना पुष्पगुच्छ, केक, मिठाई किंवा भेटवस्तू घेऊन येतात. पण या वर्षीपासून कृपया पुष्पगुच्छ, केक, मिठाई अथवा कोणतीही भेटवस्तू आणू नका” अशी विनंती राज ठाकरेंनी दोन दिवसांपूर्वी केली होती.
दरम्यान, लोकसभा निवडणुकीत पंतप्रधान नरेंद्र मोदींना बिनशर्त पाठिंबा दिल्यानंतर, आगामी विधानसभा निवडणुकीसाठी पक्षाच्या भूमिकेकडे कार्यकर्त्यांचं लक्ष लागल होतं. या निवडणुकीसाठी २०० ते २२५ जागा लढण्याची तयारी पक्षाकडून करण्यात येणार असून लवकरच प्रत्येक जिल्ह्यात निरीक्षकांची नेमणूक करण्यात येणार आहे. निरीक्षकांच्या अहवालानंतरच नेमक्या किती जागा लढवणार हे जाहीर करण्यात येईल, असे संकेत राज ठाकरे यांनी गुरुवारी मुंबईत पक्षाच्या बैठकीत दिले. त्यामुळे मनसे स्वबळावर लढणार असल्याची चर्चा राजकीय वर्तुळात सुरू झाली आहे.
‘लोकसभा निवडणुकीत उद्धव ठाकरेंच्या पक्षाला मराठी माणसांनी अपेक्षेप्रमाणे मतदान केले नाही, मुस्लिमांनी मतदान केले, असा दावा राज ठाकरेंनी केला. महाविकास आघाडीला झालेले मतदान हे मोदी विरोधातून झाले. शिवसेनेतून ४० आमदार फुटले, तिथपर्यंत ठीक होते. पण धनुष्यबाण चिन्ह आणि शिवसेना हे पक्षाचे नाव काढून घेणं लोकांना पटलेलं नाही, असंही राज ठाकरे म्हणाले.
Aaditya Thackeray Birthday : शत्रूच्या गराड्यात वडील एकटे, चक्रव्युहात झोकून दिलं, आदित्य ठाकरेंसाठी अंधारेंची बर्थडे पोस्टRead Latest Maharashtra News Updates And Marathi News
पक्षाच्या अध्यक्षपदी राज ठाकरे यांची नियुक्ती करण्याचा ठराव गुरुवारी सरचिटणीस आणि इतर प्रमुख पदाधिकाऱ्यांच्या बैठकीत झाला. २०२३ ते २०२८ या कालावधीसाठी ही निवड असेल. पक्षातील सर्व नेमणुका, शिस्तभंग यांसह पक्षातील सर्वाधिकार राज ठाकरेंनाच देण्याचा ठरावही मंजूर करण्यात आला.