राष्ट्रीय स्वयंसेवक संघाच्या मासिकात राष्ट्रवादी काँग्रेस पक्ष हा ओझे झाल्याचे म्हटले आहे. सुनिल तटकरे यांच्यात जर हिम्मत असेल तर त्यांनी याचे उत्तर द्यावे, असे आव्हान जितेंद्र आव्हाड यांनी पत्रकार परिषदेत दिले. तसेच सुनिल तटकरे हे दररोज शरद पवार यांच्याकडे येऊन भाजपसोबत जाऊया असा धोशा लावत असत, अशी टीकाही आव्हाड यांनी केली.
राष्ट्रवादी काँग्रेस पक्षाने भाजपसोबत जावे यासाठी सुनिल तटकरे हे रोज सकाळी सकाळी शरद पवार यांच्याकडे येऊन भाजपमध्ये चला असे म्हणायचे. शरद पवारांना कधीच जातीयवादी पक्षांसोबत जायचे नव्हते. त्यामुळेच भाजपमध्ये जाण्यासाठी त्यांनी तारखा दिल्या. तटकरे यांनी पवारांकडे भाजपसोबत जाण्यासाठी २००९, २०१४ आणि २०१९ ला सुध्दा प्रस्ताव आणला होता. तुम्ही सत्तेसाठी पवारांच्या मागे होतात मात्र, पवार तुम्हाला आशेचा किरण दाखवत राहिले. त्यामुळेच नंतर ते भाजपसोबत गेले, असा गौप्यस्फोट राष्ट्रवादी काँग्रेसचे आमदार जितेंद्र आव्हाड यांनी बुधवारी केला.
लोकसभा निवडणुकीमध्ये महाराष्ट्रातील जनतेने अजित पवार यांच्या पक्षाला त्यांची जागा दाखवून दिली. निवडणुकीचा रोख राजकीय पक्ष नव्हे तर लोक ठरवत असतात, अजित पवार यांच्यासोबत असलेल्या नेत्यांनी विचारधारा सोडली त्यामुळे तुमचे हे हाल होत आहे. राष्ट्रीय स्वयंसेवक संघाची विचारसरणी असलेले मासिक म्हणते की अजित पवार यांचा पक्ष ओझे झाला आहे. तुम्ही संघाला उत्तर देऊ शकत नाही. जर तुमच्यात हिम्मत असेल तर त्यांना उत्तर द्या, असे आव्हान देखील आव्हाड यांनी यावेळी सुनिल तटकरेंना दिले.
Nagpur Crime: माझे सासरे जादूटोणा करायचे, कुटुंबातील लोकांचा अकाली मृत्यू झाला; सून अर्चना पुट्टेवारचा धक्कादायक दावा
सुनेत्रा पवार यांची राज्यसभेवर वर्णी ?
राज्यसभेच्या रिक्त झालेल्या राष्ट्रवादी काँग्रेसच्या जागेवर नुकत्याच बारामती लोकसभा निवडणुकीत पराभूत झालेल्या सुनेत्रा पवार यांची वर्णी लागण्याची दाट शक्यता आहे. या जागेसाठी पार्थ पवार आणि ज्येष्ठ नेते छगन भुजबळ यांचे नावही चर्चेत आहे. परंतु, बारामती लोकसभा क्षेत्रातून जोरदार मागणी होत असल्याने सुनेत्रा यांच्या नावाची घोषणा गुरुवारी होऊ शकते.