दिवसेंदिवस बदलत चालेल्या जीवनशैलीचा परिणाम आपल्या आरोग्यावर होत आहे. बाहेरचे तेलकट तसेच फास्टफुडचे अधिकचे सेवन हे शरीराला घातक ठरतात. त्यामुळे आपण आपले आरोग्य तंदुरस्त ठेवणे फार महत्वाचे आहे. यासाठी आहारात डायफ्रूट, पौष्टिक व प्रथिनेयुक्त अन्नपदार्थ यांचा समावेश करावा. जेणेकरून तुमच्या शरीराला अनेक फायदे मिळतील. तर अशातच डायफ्रुटमधील ही एक गोष्ट तुम्ही अनेकवेळा मिठाईमध्ये तसेच खीरमध्ये खाल्ली असेल. चवीला गोड असून दिसायला लहान असले तरी ते आरोग्यासाठी वरदानापेक्षा कमी नाही. सर्वात सर्वात चांगली गोष्ट म्हणजे इतर सुक्या मेव्याच्या तुलनेत ते खिशावर ताण देत नाही. ती गोष्ट म्हणजे काळे मनुके. पण तुम्हाला माहिती आहे का की जर काळे मनुके योग्य पद्धतीने खाल्ले तर त्याचे फायदे दुप्पट होऊ शकतात. हे आरोग्यासाठी रामबाण उपाय असल्याचे सिद्ध होते. अशा परिस्थितीत काळे मनुके योग्य पद्धतीने खाल्ल्याने शरीराला कोणते दुप्पट फायदे होऊ शकतात ते आजच्या या लेखातुन जाणून घेऊयात…
काळे मनुके पाण्यात भिजवून खाणे फायद्याचे
काळे मनुके योग्य पद्धतीने खाण्यासाठी तुम्ही ते भिजवून खाऊ शकता. यासाठी तुम्ही रात्री 10 ते 20 मनुके पाण्यात भिजवून ठेवा. सकाळी रिकाम्या पोटी भिजवलेले काळे मनुके खाल्ले तर ते तुमच्या शरीराला पुरेसे पोषण देण्याचे काम करते. त्यामध्ये असलेले आवश्यक जीवनसत्त्वे आणि खनिजे शरीरात शोषले जातात. याशिवाय, अँटिऑक्सिडंटची पातळी देखील वाढते, जी शरीराला हानिकारक विषारी पदार्थांपासून वाचवण्यास मदत करते.
रक्तदाबासाठी फायदेशीर
काळे मनुके बऱ्याचदा हलक्यात घेतले जातात, पण त्याचे फायदे जाणून तुम्हाला आश्चर्य वाटेल. यामध्ये असलेले पोटॅशियम शरीरातील सोडियमची पातळी संतुलित करते, ज्यामुळे रक्तदाब नियंत्रणात राहतो. या खासियताबद्दल खूप कमी लोकांना माहिती आहे.
झोपेच्या समस्यांसाठी फायदेशीर
तुम्हाला जर झोप येत नसेल तर भिजवलेले काळे मनुके या बाबतीतही आश्चर्यकारक काम करू शकतात. त्यात नैसर्गिक घटक असतात जे मन शांत करण्यास आणि चांगली झोप घेण्यास मदत करतात.
थकव्याच्या समस्येपासून मुक्तता
तुम्हाला बऱ्याचदा थकवा किंवा सुस्ती वाटत असेल, तर काळे मनुक्याच्या सेवनाने शरीराला तात्काळ ऊर्जा प्रदान होते. कारण यात नैसर्गिक साखर असते जी त्वरित ऊर्जा प्रदान करते. एवढेच नाही तर त्यात अमीनो अॅसिड देखील असतात जे व्यायाम केल्यानंतर स्नायू पुनर्प्राप्त करण्यास मदत करतात. म्हणून, खेळांमध्ये सहभागी असलेल्या लोकांसाठी ते खूप फायदेशीर आहे आणि जर ते भिजवून खाल्ले तर त्याचा परिणाम आणखी जलद होतो.
शरीर हायड्रेटेड राहील
तुम्ही जर 150 ग्रॅम मनुके रात्रभर दोन कप पाण्यात भिजवून ठेवले आणि सकाळी रिकाम्या पोटी तेच पाणी प्यायले तर शरीरातील विषारी पदार्थ बाहेर काढण्यास मदत होते. ते यकृत स्वच्छ करते, रक्त शुद्ध करते आणि संपूर्ण शरीराला ताजेतवाने वाटते.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)