नेमकं काय घडलं?
श्रीकांत निवृत्ती आल्हाट (वय ४२, रा. मुंढवा) असे खून झालेल्याचे नाव आहे. राकेश तुकाराम गायकवाड (वय ३५, रा. आनंद निवास, कामगार मैदानाजवळ, मुंढवा) याला अटक करण्यात आली आहे. संतोष आल्हाट (वय ४६, रा. हडपसर) यांनी मुंढवा पोलिसांत तक्रार दिली आहे. मृत श्रीकांत आरोपीचा आतेभाऊ होता. पोलिसांनी दिलेल्या माहितीनुसार, श्रीकांत आल्हाट आणि आरोपी शेजारी राहतात. श्रीकांत घरात एकटा राहत होता. उदरनिर्वाहासाठी तो मिळेल ते काम करीत होता.
शनिवारी रात्री तो दारू प्यायला. त्यानंतर रात्री उशिरा पिण्याचे पाणी मागण्यासाठी तो आरोपीकडे गेला असता त्याने पाणी दिले नाही. त्यामुळे श्रीकांतने त्याला शिवीगाळ केली. त्या रागातून राकेशने श्रीकांतला विटा आणि सिमेंटच्या गट्टूने मारहाण करून भितींवर जोरात डोके आपटले. तसेच, लोखंडी रॉडने मारहाण करुन गंभीर जखमी केले. त्यात श्रीकांतचा मृत्यू झाला.