उन्हाळ्याच्या दिवसांमध्ये आपण प्रत्येकजण आहारात पाणीयुक्त पदार्थांचा समावेश करत असतो. कारण कडक उन्हाळ्यात शरीरात पाण्याची कमतरता होण्याची शक्यता जास्त असते. अशा परिस्थितीत आहारात काकडी, खरबूज आणि टरबूज यासह दुधी भोपळा देखील शरीराला हायड्रेट ठेवण्यास मदत करतो. कारण दुधी भोपळ्यात भरपूर प्रमाणात पाणी असते, म्हणून ते खाल्ल्याने शरीर हायड्रेट राहण्यास मदत होते. याशिवाय आरोग्यासाठी अनेक प्रकारे फायदेशीर आहे.
दुधी भोपळ्याची भाजी पौष्टिक आणि आरोग्यदायी असते, म्हणून आजारपणात ही भाजी दिली जाते. दुधी भोपळ्याच्या सेवनाने पोटात गॅस तयार होत नाही. कारण यामध्ये फायबर, मॅग्नेशियम, मॅंगनीज, जस्त आणि व्हिटॅमिन सी सारखे अनेक पोषक घटक आढळतात. त्यात खूप कमी कॅलरीज आणि सॅच्युरेटेड फॅट असते. भोपळ्याच्या बियांमध्ये फायटोकेमिकल्स असतात. उन्हाळ्यातील सुपरफूड असलेली दूधी भोपळ्याची भाजी आरोग्यासाठी कशी फायदेशीर आहे याबद्दल तज्ञांकडून जाणून घेऊया…
यावेळी आयुर्वेद तज्ज्ञ किरण गुप्ता सांगतात की, दुधी भोपळ्यामध्ये अनेक प्रकारचे जीवनसत्त्वे, खनिजे आणि पाण्याचे प्रमाण भरपूर असते, ज्यामुळे ते शरीरातील पाण्याची कमतरता दूर करते. हे खाणे आरोग्यासाठी खूप फायदेशीर आहे, विशेषतः ही भाजी वजन कमी करण्यास आणि बद्धकोष्ठतेची समस्या दूर करण्यास खूप मदत करते. त्याचबरोबर कोलेस्टेरॉल कमी करण्यासाठी आणि उच्च रक्तदाब नियंत्रित करण्यासाठी देखील फायदेशीर आहे. तुम्ही जर तुमच्या आहारात दुधी भोपळ्याची भाजीचा समावेश केल्याने किडनी निरोगी ठेवण्यास बरोबरच तणाव कमी करण्यास देखील मदत करू शकते. शिवाय मधुमेह रूग्णांसाठी देखील फायदेशीर आहे.
शरीर हायड्रेटेड ठेवा
उन्हाळ्यात दुधी भोपळा खाणे खूप फायदेशीर आहे कारण याच्या सेवनाने शरीराचे तापमान नियंत्रित करते. कारण दुधी भोपळ्यात मोठ्या प्रमाणात पाणी असते, जे शरीराला थंड करते आणि डिहायड्रेशनसारख्या उष्णतेशी संबंधित समस्या टाळू शकते. शरीराला हायड्रेट ठेवण्याचा हा एक उत्तम मार्ग आहे.
वजन कमी करण्यास उपयुक्त
दुधी भोपळयामध्ये कॅलरीज कमी असतात आणि त्यात पाण्याचे प्रमाण जास्त असते, जे शरीराला हायड्रेट ठेवण्यास तसेच वजन कमी करण्यास मदत करते. अशा परिस्थितीत, वजन कमी करू इच्छिणारे लोक त्यांच्या आहारात भोपळ्याचा समावेश करू शकतात.
मानसिक आरोग्य चांगले राहते
दुधी भोपळा खाणे मानसिक आरोग्यासाठी देखील फायदेशीर ठरू शकते. यामध्ये असलेले व्हिटॅमिन बी आणि पोटॅशियम शरीराच्या मज्जासंस्थेचे संतुलन राखण्यास मदत करते. अशा परिस्थितीत, ते तणाव कमी करण्यास देखील मदत करू शकते.
पचनासाठी फायदेशीर
दुधा भोपळयामध्ये भरपूर पाणी आणि फायबर असते, जे पचन सुधारण्यास मदत करते. बद्धकोष्ठता, अपचन आणि गॅसच्या समस्या दूर करण्यासाठी हे फायदेशीर आहे. विशेषतः बद्धकोष्ठतेपासून आराम मिळवण्यासाठी तुमच्या आहारात दुधी भोपळा समाविष्ट करू शकता. पण त्याची भाजी बनवताना जास्त तेल किंवा मसाले वापरू नका, तरच ते फायदेशीर ठरेल.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)