पुणे महापालिकेच्या शाळेतील पाचवी ते बारावीच्या विद्यार्थ्यांना शंभर टक्के अनुदान मिळणार आहे. पुणे महापालिका हद्दीतील खासगी शाळेतील पाचवी ते दहावीच्या विद्यार्थ्यांना ७५ टक्के अनुदानित मोफत बस प्रवास पास देण्यात येणार आहे. येत्या १२ जूनपासून या पाससाठी आवश्यक अर्जाचे वाटप सर्व आगारांमधून आणि पासकेंद्रावर करण्यात येणार आहे. भरून दिलेले अर्ज महामंडळाच्या सर्व आगारांमध्ये स्वीकारण्यात येतील.
‘संबंधित शाळा अथवा त्यांचे प्रतिनिधी शाळेतील विद्यार्थ्यांसाठीचे अर्ज महामंडळाच्या कोणत्याही आगारांमधून एकत्रितरीत्या घेऊन जाऊ शकतात. हे अर्ज भरून आगारात एकत्रित जमा केल्यास त्या शैक्षणिक संस्थेला एकत्रित पास दिले जातील. महामंडळाने दिलेले सर्व पास शाळाप्रमुखांनी त्यांचे शाळेत वितरित करावेत. यामुळे सर्व विद्यार्थ्यांना आगारामध्ये येण्याची गरज भासणार नाही,’ असे आवाहन पीएमपीकडून करण्यात आले आहे.