केंद्रीय मंत्री रक्षा खडसे यांच्या मुलीची छेड काढणाऱ्या टावळखोरांवर कारवाई केली जाईल, अशी माहिती राज्य महिला आयोगाच्या रूपाली चाकणकर यांनी दिली आहे. त्यामुळे या प्रकरणाची महिला आयोगाने दखल घेतली असल्याचं समोर आलं आहे.
जळगावमधल्या मुक्ताईनगर (Muktainagar) तालुक्यातील कोथळी गावातील संत मुक्ताई यात्रेमध्ये केंद्रीय मंत्री रक्षा खडसे यांच्या मुलीसह काही मुलींची टवाळखोरांनी छेडछाड करण्याचा प्रयत्न केल्याचा खळबळजनक प्रकार उघडकीस आला आहे. त्यामुळे जर मंत्र्यांच्या मुलीच सुरक्षित नसतील तर राज्यातल्या सामान्य महिलांनी कोणाकडे दाद मागावी असा प्रश्न उपस्थित होत आहे. दरम्यान, या प्रकारानंतर आता महिला आयोगाच्या रूपाली चाकणकर यांनी याबद्दल आपण मुक्ताईनगरच्या पीआयसोबत बोललो असून या टवाळखोरांवर कडक कारवाई होईल अशी माहिती दिली आहे.