भायखळा स्थानकावर येताच लोकलमधून चक्क धूर निघू लागला आणि इतकेच नव्हे तर धुराचे प्रमाण इतके जास्त होते की भायखळा स्थानकावर पुर्णपणे धूर धूर व्हिडिओत स्पष्ट दिसते. या परिस्थितीत घाबरुन अनेक प्रवांशी आरडाओरडा करु लागले, काही प्रवाशांनी जीव मुठीत घेवून थेट भायखळा स्टेशनवर उडी घेतली तर अनेकांनी भायखळा स्टेशनवर थांबून पुढच्या लोकलने प्रवास करण्याचा निर्णय घेतला. अचानक लोकलमधून धूर कशामुळे आला किंवा कारण काय घटनेचे ते अद्याप स्पष्ट झालेले नाही.
सीएसएमटी ते ठाणे असा लोकलचा मार्ग होता. पण दोन ते तीन स्टेशनचे अंतर पार करुन भायखळा स्थानकावर पोहचताच लोकलमधून निघालेला धूर पाहून प्रवाशांची घाबरगुंडी उडाली. यासह ऑफिसच्या सुटण्याची वेळ असल्याने अगोदरच भायखळा स्टेशनवर गर्दी होती पण धूराचे लोट पाहून प्रवाशांनी भरलेली लोकलमधील सुद्धा भायखळा स्टेशनवर खाली झाली आणि स्टेशनवर एकच गर्दी उडाली. पोलिसांनी घटनास्थळी धाव घेत परिस्थिती नियंत्रणात आण्याचा प्रयत्न केला तसेच रेल्वे अधिकाऱ्यांना कल्पना देत घटनेबद्दल माहिती दिली.
घटनेत कोणालाही कोणती दुखापत झालेली नाही पण अश्या प्रकारांमुळे मध्ये रेल्वेच्या कारभारावर पुन्हा एकदा प्रश्नचिन्ह उभे राहिले आहे. काही दिवसांपूर्वीच ७२ तासांचा मेगाब्लॉक घेतल्याने प्रवाशांना तीन दिवस मनस्ताप सहन करावा लागला होता. मध्य रेल्वेवर प्रवास करणाऱ्या प्रवाशांचा आकडा हार्बर आणि पश्चिम रेल्वेच्या तुलनेत जास्त आहे. त्यामुळे मध्य रेल्वे म्हणजे अर्ध्याहून अधिक मुंबईकरांच्या जिव्हाळ्याचा प्रश्न आहे.