जसं सेलिब्रिटींच्या लग्नाची उत्सुकता सर्वांना असते तशीच उत्सुकता एखाद्या नेत्याच्या लग्नाचीही असते. अशाच एका नेत्याच्या लग्नाची बातमी ऐकायची उत्सुकता सर्वांनाच आहे. ते नेते म्हणजे काँग्रेस अध्यक्ष राहुल गांधी. राहुल गांधी कधी आणि कोणाशी लग्न करणार हे जाणून घेण्यासाठी चर्चा कायमच असते.
लग्नपत्रिकेमुळे खळबळ
पण याच चर्चेदरम्यान एका लग्नाच्या पत्रिकाने खळबळ उडवली आहे. कारण या लग्नपत्रिकेवर चक्क राहुल गाधींचा फोटो छापण्यात आला आहे. राहुल गांधींचा फोटो वराच्या नावाच्या अगदी वर लावला आहे. ज्याने हे कार्ड पाहिले तो थक्क झाला. पण यामागील कारण काहीतरी वेगळे आहे.
राहूल गांधीसह सोनिया गांधींचाही फोटो
खरंतर, हे कार्ड मध्य प्रदेश युवक काँग्रेसच्या राज्य सरचिटणीसांच्या कुटुंबातील एका मुलीच्या लग्नाचे आहे. या लग्नाच्या कार्डवर राहुल गांधी आणि त्यांची आई सोनिया गांधी यांचे फोटो छापलेले आहेत. ग्वाल्हेरचे रहिवासी असलेले राज्य सरचिटणीस योगेश दंडोटिया यांनी त्यांच्या बहिणीच्या लग्नासाठी खास कार्ड छापण्यात आले आहेत.
कार्डच्या मुखपृष्ठावर राहुल गांधी आणि सोनिया गांधी यांचे फोटो छापलेले आहेत. त्यांच्यासोबत संविधान निर्माते डॉ. भीमराव आंबेडकर यांचा फोटोही आहे. ही लग्नपत्रिका सोशल मीडियावर व्हायरल झाली आहे.
असे कार्ड का छापण्यात आले?
युवक काँग्रेसचे प्रदेश सरचिटणीस योगेश दंडोटिया, ज्यांनी कार्ड छापले, ते म्हणाले की, डॉ. भीमराव आंबेडकर यांनी संविधानाचा मसुदा तयार करून दलितांना समाजात समान दर्जा दिला आणि आजच्या काळात, राहुल गांधी संविधानाच्या रक्षणासाठी लढत आहेत.
म्हणून, ज्याप्रमाणे बाबा साहेब दलितांसाठी देव आहेत, त्याचप्रमाणे राहुल गांधी देखील बाबा साहेबांसारखे त्यांना देवासारखेच आहेत. म्हणूनच बाबासाहेबांसोबत त्यांचा फोटो छापण्यात आला आहे. सोनिया गांधींचाही फोटो छापण्यात आला आहे.
भाजपने व्हायरल लग्नपत्रिकेवरून राहुल गांधींची खिल्ली उडवली
लग्नपत्रिकेवर राहुल गांधींचा फोटो छापल्याबद्दल भाजपकडून खिल्ली उडवली गेली. भाजपचे ज्येष्ठ नेते रामेश्वर भदोरिया म्हणतात की योगेश दंडोटिया यांनी राहुल आणि सोनिया गांधींना आदर दिला आहे, म्हणून भाजप त्यांच्या भावनांचा आदर करते.
त्यांनी टीका करताना असेही म्हटले की राहुल गांधींच्या लग्नाची पत्रिका अद्याप छापलेले नाही पण किमान लग्नाच्या पत्रिकेवर राहुल गांधींचा फोटो तरी छापण्यात आला आहे. हे कार्ड राहुल गांधींपर्यंत पोहोचा ही विनंती. आणि राहुल गांधींचे लग्न लवकर व्हावे आणि त्यांच्या लग्नाची पत्रिका छापावी, ज्यामुळे सर्वांना आनंद होईल, अशी आपण देवाला प्रार्थना करूया. असं म्हणत भाजपाने मात्र त्यांची खिल्ली उडवण्याचा प्रयत्न केला.