Sangli News : बदलापूरसारख्या संतापजनक घटनेतील आरोपीचा एन्काऊंटर होऊनही या घटना काही कमी व्हायचे नाव घेत नाही. अशातच सांगली जिल्ह्यातील जत तालुक्यातील करजगी येथे एका ४ वर्षीय बालिकेवर लैंगिक अत्याचार करुन तिची हत्या केल्याची संतापजनक घटना घडली आहे.
गुरुवारी सकाळी चिमुकलीची शाळेत जाण्याची वेळ झाली असता कुटुंबीय तिचा शोध घेऊ लागले. आजूबाजूला तिचा शोध घेत असता तिचा काही पत्ता न लागल्याने गावात दवंडी देऊन सुद्धा त्या मुलगी काही सापडली नाही. ही माहिती गावचे पोलीस पाटील व ग्रामस्थांनी उमदी पोलीस स्टेशनला कळवली. पोलीस तात्काळ घटनास्थळी दाखल झाले. पत्र्याच्या शेड समोर बदामाच्या झाडाखाली संशयित आरोपी पांडुरंग सोमनिंग कळळी हा दारूच्या नशेत झोपलेला आढळून आला होता. त्या संशयित नराधमाला उमदी पोलिसांनी ताब्यात घेतले. पोलिसांना एका पत्र्याच्या घराच मुलीचा मृतदेह आढळून आला आहे. घराची झडती घेतली असता घरातील एका पेटीमध्ये पोते दिसले. पोत्यावर डाग असल्याने उघडून पाहिले असता त्यात मुलीचा मृतदेह आढळला. पोलिसांनी मृतदेह ताब्यात घेऊन शवविच्छेदनासाठी जत रुग्णालयात पाठवला आहे. 
Nashik Crime : लेकीने प्रेमविवाह केल्यावरुन वाद, बापाने आईच्या डोक्यात कुकर घातला, नाशिकमध्ये विवाहितेचा मृत्यू
गावकऱ्यांना हा प्रकार समजताच घटनास्थळी एकच गर्दी जमली होती. पोलिसांनी पांडुरंग कळळी-पुजारी याला ताब्यात घेऊन पोलिसी खाक्या दाखवताच त्याने बालिकेचा खून केल्याची कबुली दिली आहे. दरम्यान, या घटनेनंतर गावातील नागरिकांकडून संपात व्यक्त केला जात आहे. याप्रकरणी पोलिसांकडून अधिक तपास सुरू आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा