प्रतिनिधी, मुंबई : कालिकत ते बहारिन प्रवासादरम्यान प्रवाशाने केबिन क्रूला मारहाण करून विमानाचा दरवाजा उघडण्याचा प्रयत्न केल्याची धक्कादायक घटना घडली आहे. विनाकारण विमानात गोंधळ घालणाऱ्या अब्दुल मुसावीर नाडूकंडीईल या प्रवाशाला मुंबईत सहार पोलिसांनी अटक केली. पोलिसांसह गुप्तचर यंत्रणेचे अधिकारीही अब्दुलची चौकशी करणार आहेत.मूळचा केरळचा असलेला अब्दुल शनिवारी एअर इंडिया एक्स्प्रेस एअर लाइनच्या विमानाने कालिकत ते बहारिन असा विमान प्रवास करीत होता. विमानप्रवास सुरू होताच काही वेळाने अब्दुल सीटवरून उठून विमानाच्या मागच्या बाजूला गेला. या ठिकाणी असलेल्या केबिन क्रूला त्याने मारहाण केली. प्रवाशाचे हे रूप पाहून विमानातील सर्व कर्मचारी आणि प्रवासी घाबरले. मारहाण केल्यानंतर तो थेट दरवाजाकडे गेला आणि तो उघडण्याचा प्रयत्न करू लागला. दोन्ही केबिन क्रूने अब्दुलला पकडून सीटवर नेऊन बसवले. तरीही तो काही शांत बसत नव्हता. शिवीगाळ करीत तो प्रवाशांनाही मारहाण करू लागला.
विमानातील अब्दुलचा गोंधळ काही थांबत नव्हता आणि तो वारंवार दरवाजा उघडण्याची धमकी देत होता. विमान आणि प्रवाशांच्या सुरक्षेला धोका असल्याने वैमानिकाने विमान छत्रपती शिवाजी महाराज आंतरराष्ट्रीय विमानतळावर उतरवले. या घटनेची माहिती एअर इंडिया एक्स्प्रेसच्या सुरक्षा अधिकाऱ्यांना देण्यात आली. अब्दुलला ताब्यात घेऊन सहार पोलिस ठाण्यात नेण्यात आले. त्याच्या विरोधात एअर क्राफ्ट कायद्यानुसार गुन्हा दाखल करून अब्दुल याला पोलिसांनी अटक केली. त्यांनी हे कृत्य कशासाठी केले, यामागचे कारण मात्र समजू शकले नाही.
विमानातील अब्दुलचा गोंधळ काही थांबत नव्हता आणि तो वारंवार दरवाजा उघडण्याची धमकी देत होता. विमान आणि प्रवाशांच्या सुरक्षेला धोका असल्याने वैमानिकाने विमान छत्रपती शिवाजी महाराज आंतरराष्ट्रीय विमानतळावर उतरवले. या घटनेची माहिती एअर इंडिया एक्स्प्रेसच्या सुरक्षा अधिकाऱ्यांना देण्यात आली. अब्दुलला ताब्यात घेऊन सहार पोलिस ठाण्यात नेण्यात आले. त्याच्या विरोधात एअर क्राफ्ट कायद्यानुसार गुन्हा दाखल करून अब्दुल याला पोलिसांनी अटक केली. त्यांनी हे कृत्य कशासाठी केले, यामागचे कारण मात्र समजू शकले नाही.