धावत्या कारमधून बाहेर ओढलं, डोक्यात तलवारीने अन् गुप्तीने वार; सांगलीत पैलवानाची निर्घृण हत्या

Sangli Pailwan Rahul Jadhav Murder: या घटनेची माहिती मिळताच उपविभागीय पोलिस अधिकारी विपुल पाटील, पोलिस निरीक्षक धनंजय फडतरे यांनी पोलिस फौजफाट्यासह घटनास्थळी दाखल होत, घटनास्थळाचा पंचनामा केला. या सर्व संशयितांवर गुन्हा दाखल केल्याचे आणि अन्य हल्लेखोरांचा शोध सुरू असल्याचे पोलिसांनी सांगितले. अधिक तपास पोलिस उपनिरीक्षक व्ही. जे. येळेकर करीत आहेत.

स्वप्नील एरंडोलीकर, सांगली : जुन्या भांडणाचा राग मनात धरून खानापूर तालुक्यातील कार्वे येथील राहुल गणपती जाधव या ३५ वर्षीय पैलवानाचा गुप्ती व तलवारीने डोक्यात वार करून तसेच हॉकी स्टीकने मारून निर्घृण खून करण्यात आला. ही घटना कार्वे येथे स्मशानभुमी नजीक असलेल्या विटा – तासगांव रस्त्यावरील पुलावर रात्री बारा वाजण्याच्या सुमारास घडली. याबाबत मृताचा भाऊ राजाराम गणपती जाधव यांनी विटा पोलिस ठाण्यात फिर्याद दिली. माणिक संभाजी परीट व गजानान गोपीनाथ शिंदे, अमृत शहाजी माळी, नयन रंगलाल धाबी, प्रफुल्ल कांबळे, रोहन रघुनाथ जाधव, नितीन पांडुरंग जाधव अशी संशयितांची नावे असून माणिक परीट, गजानन शिंदे व नयन धाबी या तीन संशयितांना ताब्यात घेतल्याचं पोलिसांनी सांगितले. राहुल जाधव व संशयित आरोपी यांच्यात असलेल्या जुन्या भांडणाच्या रागातून संशयितांनी बेकायदेशीर जमाव जमवून, शस्त्र बाळगून राहुल जाधव यांच्या चारचाकीच्या काचा फोडल्या. तलवारीने डोक्यात वार करुन खून केल्याचे फिर्यादीत म्हटले आहे.
Pune Accident News: ओव्हरटेकच्या नादात पुढच्या वाहनाला धडक, गाडी बसला धडकली, पुण्यात भीषण अपघात; ९ जणांचा जागीच मृत्यू

या घटनेची माहिती मिळताच उपविभागीय पोलिस अधिकारी विपुल पाटील, पोलिस निरीक्षक धनंजय फडतरे यांनी पोलिस फौजफाट्यासह घटनास्थळी दाखल होत घटनास्थळाचा पंचनामा केला. या सर्व संशयितांवर गुन्हा दाखल केल्याचे आणि अन्य हल्लेखोरांचा शोध सुरू असल्याचे पोलिसांनी सांगितले. अधिक तपास पोलिस उपनिरीक्षक व्ही. जे. येळेकर करीत आहेत.

लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात.… आणखी वाचा