मतदानोत्तर चाचण्यांमधून राज्यातील जनतेला एकनाथ शिंदे आणि अजित पवार यांचे बंड रुचले नसल्याचे चित्र आहे. कारण एबीपी- सीव्होटर आणि टीव्ही ९ पोलस्ट्रार्टच्या चाचण्यांच्या अंदाजानुसार राज्यात महाविकास आघाडी जोरदार मुसंडी मारण्याची शक्यता आहे. अधोरेखित करण्यासारखी गोष्ट म्हणजे भाजपच्या जागाही कमी होण्याचे संकेत आहेत. दुसरीकडे पक्ष फुटीनंतरही त्वेषाने लढलेल्या ठाकरे पवार यांना जनतेची पसंती मिळाल्याचे चित्र आहे.
एबीपी- सीव्होटरच्या एक्झिट पोलमध्ये काय?
महायुती २२-२६ (भाजप-१७ , शिंदे गट-०६, अजित पवार गट ०१)
महाविकास आघाडी २३-२४ (ठाकरे गट-०९, शरद पवार गट-०६, काँग्रेस ०८)
अपक्ष-१
टीव्ही ९ पोलस्ट्रार्टच्या एक्झिट पोलमध्ये काय?
महायुती २२ (भाजप- १८, शिंदे गट-०४, अजित पवार गट-००)
महाविकास आघाडी २५ (ठाकरे गट- १४, शरद पवार गट-०६, काँग्रेस ०५)
महत्त्वाचं म्हणजे ठाकरे आणि पवारांच्या मार्गदर्शनाखाली काँग्रेस कमालीचा चांगला फरफॉर्मन्स करेल, असे बोलले जात आहे. कारण सध्या काँग्रेसकडे एकच जागा असताना सध्याच्या चाचण्यांमधून त्यांना ०६ ते ०८ जागा मिळू शकतात, अशी शक्यता वर्तविण्यात येत आहे.