Nitesh Rane Commented on Hindu Vote Bank: भारतात सर्वात जास्त हिंदू राहत असल्याने भारत हे हिंदू राष्ट्रच आहे, त्यामुळे कोणत्याही अन्य सर्टिफिकेटची गरज नाही. मी फक्त हिंदू मतावरच माझ्या मतदारसंघात आमदार म्हणून निवडून आलो आहे, असे मोठे विधान नितेश राणे यांनी केले आहे.
शुक्रवारी सांगलीमध्ये आयोजित करण्यात आलेल्या हिंदू गर्जना सभेमध्ये मंत्री नितेश राणे बोलत होते. यावेळी त्यांनी हिंदूचे ईव्हीएम म्हणजे एव्हरी वोट अगेन्स्ट मुल्ला, असे आक्षेपार्ह विधान नितेश राणेंनी केले आहे. राणेंनी विशाळगडाच्या उरुसाचा मुद्दा पुन्हा गिरवला आहे.ते म्हणाले, ‘येत्या १२ तारखेला विशाळगड येथे होणारा उरुसाच्या वेळी कायदा आणि सुव्यवस्थेचा प्रश्न निर्माण झाल्यास, दोषींवर कडक कारवाई केली जाईल.’ डॉ. बाबासाहेब आंबेडकर यांनी लिहिलेल्या संविधानामध्ये सुरुवातीला धर्मनिरपेक्ष हा शब्द नव्हता. मात्र काँग्रेसच्या नेत्यांनी हा घाणेरडा शब्द पुढे आणला. ज्यांना सर्वधर्मसमभाव याची टेप लावायची असेल तरी पाकिस्तानात जाऊन लावावी, असे म्हणत त्यांनी काँग्रेसला घेरले आहे.
भाजपचा विजयी आमदार पवार गटाकडून लढायला तयार होता, काँग्रेसने १७ दिवस घोळ घातला, संजय राऊतांचा मोठा गौप्यस्फोट
सांगलीचे खासदार विशाल पाटील यांनी सांगलीची चुकीची प्रतिमा समोर आणू नये. सर्व समाज गुण्या गोविंदाने राहत आहेत असं खासदारांचे मत असेल, तर आम्ही जे ऐकतोय ते खरं की तुमचं खरं? सांगली आणि मिरजेत कत्तलखाने कसे सुरू आहेतच? याचे उत्तर ही खासदार विशाल पाटील यांनी द्यावे, असा इशाराही नितेश राणेंनी दिला आहे.
लेखकाबद्दलविमल पाटीलविमल पाटील, महाराष्ट्र टाइम्स ऑनलाईनमध्ये कंसल्टंट म्हणून कार्यरत आहे. याआधी सामना, आरएनओ वृत्तसंस्थेमध्ये रिपोर्टर म्हणून काम केलं आहे. पत्रकारिता क्षेत्रात तीन वर्षांचा अनुभव आहे. राजकीय आणि विश्लेषणात्मक बातम्या लिहण्याची आवड.… आणखी वाचा