पुणे: पुण्यातील पोर्शे ड्रंक अँड ड्राईव्ह प्रकरणात महत्त्वाच्या घडामोडी घडत आहेत. कल्याणीनगरमध्ये आठवड्याभरापू्र्वी झालेल्या अपघातात दुचाकीवरील दोन अभियंत्यांना जीव गमवावा लागला. अपघातग्रस्त पोर्शे कार पोलिसांच्या ताब्यात आहे. आरटीओ पाठोपाठ पोर्शे कारच्या तंत्रज्ञांनी या कारची तपासणी केली. आता या प्रकरणात पोलिसांनी आणखी एक कार जप्त केली आहे. आरोपी मुलाचा बाप विशाल अगरवालची मर्सिडीज कारनं पोलिसांनी ताब्यात घेतली आहे.
शनिवारी मध्यरात्री कल्याणीनगरमध्ये पोर्शे कारला अपघात झाला. त्यावेळी कार अल्पवयीन आरोपी चालवत होता. तर चालक गंगाराम पुजारी त्याच्या शेजारी बसला होता. पुजारीनं गुन्हा स्वत:च्या अंगावर घ्यावा आणि लेकाची सुटका व्हावी यासाठी अगरवाल कुटुंबानं त्याच्यावर दबाव टाकला. त्याला जबरदस्तीनं कारमध्ये बसवून अज्ञात स्थळी नेलं. आता हीच कार पोलिसांनी जप्त केली आहे. MH 12 PC 9916 या क्रमांकाची मर्सिडीज कार पोलिसांनी ताब्यात घेतली आहे.
लेकाची सुटका करण्यासाठी अगरवाल कुटुंबानं पुजारीला डांबून ठेवलं. त्यानं अपघाताचा आळ स्वत:वर घ्यावा यासाठी दबाव टाकला. त्याबदल्यात पुण्यात फ्लॅट देण्याचं आमिष दाखवलं. पुजारीची पत्नी नातेवाईकांना घेऊन त्याच्या सुटकेसाठी पोहोचली. त्यांनी आरडाओरडा केला. त्यामुळे पुजारीची सुटका झाली. पुजारीनं सगळी माहिती न्यायालयात दिल्यानं अगरवाल कुटुंब अडचणीत आलं.
पोर्शे अपघाताच्या १ दिवस आधी काय घडलं? आरोपी मुलाचा ‘तो’ व्हिडीओ समोर, CCTVमध्ये काय दिसलं?
ससूनचा ‘तो’ कर्मचारी गेला कुठे?
ससून रुग्णालयात आरोपी मुलाच्या रक्ताचे नमुने घेण्यात आले. पण इथल्या दोन डॉक्टरांनी रक्ताच्या नमुन्यात फेरफार करत विशाल अगरवालच्या लेकाला वाचवण्याचा प्रयत्न केला. डॉ. अजय तावरे आणि श्रीहरी हळनोर यांनी रक्ताचे नमुने बदलले. त्यासाठी त्यांना ३ लाख रुपये देण्यात आल्याचं समजतं. या दोघांना पोलिसांनी अटक केली आहे. पण आता या प्रकरणात धक्कादायक माहिती उघड झाली आहे. ससून रुग्णालयाच्या रक्त चाचणी विभागातील एक कर्मचारी गायब असल्याचं सांगितलं जात आहे. हा कर्मचारी नेमका कोण, त्याचा या प्रकरणात कोणत्या प्रकारे सहभाग होता, ते अद्याप समजू शकलेलं नाही.
शनिवारी मध्यरात्री कल्याणीनगरमध्ये पोर्शे कारला अपघात झाला. त्यावेळी कार अल्पवयीन आरोपी चालवत होता. तर चालक गंगाराम पुजारी त्याच्या शेजारी बसला होता. पुजारीनं गुन्हा स्वत:च्या अंगावर घ्यावा आणि लेकाची सुटका व्हावी यासाठी अगरवाल कुटुंबानं त्याच्यावर दबाव टाकला. त्याला जबरदस्तीनं कारमध्ये बसवून अज्ञात स्थळी नेलं. आता हीच कार पोलिसांनी जप्त केली आहे. MH 12 PC 9916 या क्रमांकाची मर्सिडीज कार पोलिसांनी ताब्यात घेतली आहे.
लेकाची सुटका करण्यासाठी अगरवाल कुटुंबानं पुजारीला डांबून ठेवलं. त्यानं अपघाताचा आळ स्वत:वर घ्यावा यासाठी दबाव टाकला. त्याबदल्यात पुण्यात फ्लॅट देण्याचं आमिष दाखवलं. पुजारीची पत्नी नातेवाईकांना घेऊन त्याच्या सुटकेसाठी पोहोचली. त्यांनी आरडाओरडा केला. त्यामुळे पुजारीची सुटका झाली. पुजारीनं सगळी माहिती न्यायालयात दिल्यानं अगरवाल कुटुंब अडचणीत आलं.
पोर्शे अपघाताच्या १ दिवस आधी काय घडलं? आरोपी मुलाचा ‘तो’ व्हिडीओ समोर, CCTVमध्ये काय दिसलं?ससूनचा ‘तो’ कर्मचारी गेला कुठे?
ससून रुग्णालयात आरोपी मुलाच्या रक्ताचे नमुने घेण्यात आले. पण इथल्या दोन डॉक्टरांनी रक्ताच्या नमुन्यात फेरफार करत विशाल अगरवालच्या लेकाला वाचवण्याचा प्रयत्न केला. डॉ. अजय तावरे आणि श्रीहरी हळनोर यांनी रक्ताचे नमुने बदलले. त्यासाठी त्यांना ३ लाख रुपये देण्यात आल्याचं समजतं. या दोघांना पोलिसांनी अटक केली आहे. पण आता या प्रकरणात धक्कादायक माहिती उघड झाली आहे. ससून रुग्णालयाच्या रक्त चाचणी विभागातील एक कर्मचारी गायब असल्याचं सांगितलं जात आहे. हा कर्मचारी नेमका कोण, त्याचा या प्रकरणात कोणत्या प्रकारे सहभाग होता, ते अद्याप समजू शकलेलं नाही.
ससून रुग्णालयाच्या रक्त चाचणी विभागातील कर्मचारी सध्या नॉट रिचेबल आहे. पोलीस त्याचा शोध घेत आहेत. अपघातानंतरचं ससून रुग्णालयतील सीसीटीव्ही फुटेज पोलिसांनी ताब्यात घेतलं आहे. त्याची तपासणी सुरु आहे. रक्त चाचणी विभागाच्या परिसरातील व्यक्तींची चौकशी केली जाण्याची दाट शक्यता आहे. सीसीटीव्ही फुटेजमध्ये दिसणाऱ्या सगळ्याच जणांची चौकशी होणार आहे.