कोकण पदवीधर मतदारसंघातून भाजपच्या तिकिटावर निरंजन डावखरे विधानपरिषद आमदार आहेत. त्यांच्या नावाची अधिकृत घोषणा झालेली नसली, तरी तिसऱ्या टर्मसाठी त्यांचं तिकीट फिक्स मानलं जात होतं. अशातच भाजपच्या मतदारसंघात मनसेने उमेदवार उतरवला आहे. त्यामुळे आता भाजप डावखरेंचं तिकीट कापणार, की कोकण पदवीधर मतदारसंघातील निवडणूक अधिक चुरशीची होणार, हे पाहणं उत्सुकतेचं आहे. कोकण पदवीधरसाठी येत्या २६ जून रोजी मतदान होणार आहे, तर १ जुलै रोजी मतमोजणी होणार आहे.
कोण आहेत अभिजीत पानसे?
अभिजित पानसे हे मनसेचे निष्ठावान कार्यकर्ते आहेत. ते राज ठाकरे यांच्या विश्वासू नेत्यांपैकी एक मानले जातात. पानसे हे व्यवसायाने निर्माते-दिग्दर्शक आणि लेखकही आहेत. रेगे, ठाकरे, रानबाजार यासारखे त्यांचे चित्रपट आणि वेब सीरीज गाजले आहेत.
One Nation One Election : पुढील कार्यकाळात एक देश एक निवडणुकीची अंमलबजावणी, अमित शहांची घोषणा
अभिजीत पानसेंच्या उमेदवारीमुळे मनसेला कोकणात जम बसवण्यास मदत होईल असे मानले जाते. गेल्या काही काळात मनसेकडून लढवली जाणारी ही पहिलीच मोठी निवडणूक आहे
निरंजन डावखरेंचा पत्ता कट?
कोकण पदवीधर मतदारसंघातून भाजप आमदार निरंजन डावखरे यांनाच पुन्हा एकदा तिकीट मिळण्याची शक्यता वर्तवली जात होते. ते राष्ट्रवादीचे नेते वसंत डावखरे यांचे सुपुत्र आहेत. २०१२ मध्ये निरंजन हे राष्ट्रवादीतर्फे कोकण पदवीधर मतदारसंघातून विधानपरिषदेवर गेले होते. २०१८ च्या विधानपरिषद निवडणुकांआधी त्यांनी राष्ट्रवादीला रामराम ठोकत भाजप प्रवेश केला होता. त्यानंतर लगेचच त्यांना कोकण पदवीधर मतदारसंघातून तिकीट जाहीर झाले होते.
Read Latest Maharashtra News Updates And Marathi News
डावखरे ठाणे भाजपचे प्रमुख असून त्यांच्या अखत्यारित ठाणे, पालघर, रत्नागिरी, रायगड, सिंधुदुर्ग हे भाग येतात. निरंजन डावखरे हे वडिलांप्रमाणेच सर्वपक्षीय संबंध जपण्यात कुशल मानले जातात.