ब्लॉकवेळेत ६९ मेल-एक्स्प्रेस गाड्या रद्द होणार असून ५०पेक्षा जास्त मेल-एक्स्प्रेस विविध स्थानकांवर रद्द करण्यात येणार आहेत. ३६ तासांच्या वेळेत सीएसएमटी ते भायखळा धीम्या आणि जलदमार्गासह सीएसएमटी ते वडाळा रोड हार्बर मार्गावरील लोकल फेऱ्यांवरही परिणाम होणार आहे. ब्लॉकवेळेत प्रवाशांची मोठी गैरसोय होऊ नये, यासाठी रद्द करण्यात येणाऱ्या गाड्यांचे मूल्यांकन करण्याचे काम सुरू आहे. यामुळे लोकलवरील परिणामांची माहिती लवकरच जाहीर करण्यात येणार आहे. भायखळा आणि वडाळा रोडवरून विशेष लोकल फेऱ्या चालवण्यात येणार आहेत.
३६ तासांच्या ब्लॉकमध्ये सीएसएमटीकडे जाणाऱ्या लांब पल्ल्यांच्या रेल्वेगाड्या दादरमध्ये (२२), ठाण्यात (२), पनवेल (३) , पुणे (५) आणि नाशिकमध्ये (१) गाडी रद्द करण्यात येणार आहे. याच वेळेत सीएसएमटी ऐवजी दादरवरून (२०) मेल-एक्स्प्रेस, पनवेलहून (३), पुण्यातून (५) आणि नाशिकहून (१) गाडी रवाना होणार आहे. मेल-एक्स्प्रेसच्या सविस्तर माहितीसाठी मध्य रेल्वेच्या अधिकृत संकेतस्थळाशी संपर्क साधावा, असे आवाहन रेल्वे प्रशासनाने केले आहे.
स्थानक – सीएसएमटी ते भायखळा आणि सीएसएमटी ते वडाळा
मार्ग- अप-डाउन धीमा, अप-डाउन जलद,अप-डाउन हार्बर
वेळ- ३१ मे मध्यरात्री १२.३० ते २ जून दुपारी १२.३०