पुणे: कल्याणीनगरमधील अपघात प्रकरणी कर्तव्यात निष्काळजीपणा केल्याने येरवडा पोलीस ठाण्यातील दोन पोलीस अधिकाऱ्यांना निलंबित करण्यात आले. पण केवळ निलंबित करून हा प्रश्न सुटणार नाही. या निलंबित अधिकाऱ्यांवर गुन्हा दाखल करा, अशी मागणी पुणे लोकसभा मतदार संघाचे काँग्रेसचे उमेदवार आ. रवींद्र धंगेकर यांनी केली आहे.
कल्याणीनगर मधील अपघात प्रकरण सुरुवातीला दडपण्याचा प्रयत्न पोलिसांकडून करण्यात आला. पण रवींद्र धंगेकर यांच्या आग्रही मागणीमुळे आणि ठिय्या आंदोलनामुळे या प्रकरणात दररोज नवनव्या घटना घडत आहेत. त्यांच्या मागणीमुळे दोन पोलीस अधिकाऱ्यांना निलंबित करण्यात आले. पण एवढेच पुरेसे नसल्याचे रवींद्र धंगेकर यांनी सांगितले. रवींद्र धंगेकर म्हणाले, हे प्रकरण दडपण्यासाठी निलंबित २ पोलीस अधिकाऱ्यांनी आणि येरवडा पोलीस ठाण्यातील इतर अधिकाऱ्यांनी बिल्डरसोबत केलेल्या आर्थिक व्यवहाराची पारदर्शक चौकशी झाली पाहिजे. याची पाळेमुळे निश्चितच वरिष्ठ अधिकाऱ्यांपर्यंत रुजलेली आहेत. त्यामुळे त्यांचीही नावे जनतेला समजणे आवश्यक आहे.
कल्याणीनगर मधील अपघात प्रकरण सुरुवातीला दडपण्याचा प्रयत्न पोलिसांकडून करण्यात आला. पण रवींद्र धंगेकर यांच्या आग्रही मागणीमुळे आणि ठिय्या आंदोलनामुळे या प्रकरणात दररोज नवनव्या घटना घडत आहेत. त्यांच्या मागणीमुळे दोन पोलीस अधिकाऱ्यांना निलंबित करण्यात आले. पण एवढेच पुरेसे नसल्याचे रवींद्र धंगेकर यांनी सांगितले. रवींद्र धंगेकर म्हणाले, हे प्रकरण दडपण्यासाठी निलंबित २ पोलीस अधिकाऱ्यांनी आणि येरवडा पोलीस ठाण्यातील इतर अधिकाऱ्यांनी बिल्डरसोबत केलेल्या आर्थिक व्यवहाराची पारदर्शक चौकशी झाली पाहिजे. याची पाळेमुळे निश्चितच वरिष्ठ अधिकाऱ्यांपर्यंत रुजलेली आहेत. त्यामुळे त्यांचीही नावे जनतेला समजणे आवश्यक आहे.
यासाठी या सर्व प्रकरणाची सखोल चौकशी करण्यासाठी निवृत्त न्यायमूर्तींची समिती सरकारने स्थापन करावी. या सर्व प्रकरणात पोलीस आयुक्त अमितेश कुमार यांचाही वेळोवेळी निष्काळजीपणा दिसून आला आहे. या अपघातात दोन निष्पाप जीव गेले असतानाही दोषी अधिकाऱ्यांना पाठीशी घालण्याचे काम पोलीस आयुक्तांनी सुरुवातीला केले. त्यामुळे त्यांचीही तातडीने बदली करावी, अशी माझी गृह मंत्र्यांकडे मागणी आहे, असे रवींद्र धंगेकर यांनी सांगितले.