विशाल अगरवाल याच्यासह सहा जणांना अतिरिक्त सत्र न्यायाधीश एस. पी. पोंक्षे यांनी शुक्रवारी न्यायालयीन कोठडीत ठेवण्याचा आदेश दिला. तपासासाठी सात दिवस पोलिस कोठडी देण्याची मागणी गुन्हे शाखेने केली होती; परंतु न्यायालयाने पोलिस कोठडी न देता चौदा दिवस न्यायालयीन कोठडीत ठेवण्याचा आदेश दिला.
या प्रकरणी पोलिसांनी सहा जणांना अटक केली होती. या सहा जणांच्या पोलिस कोठडीची मुदत शुक्रवारी (२४ मे ) संपल्याने त्यांना अतिरिक्त सत्र न्यायाधीश एस. पी. पोंक्षे यांच्या न्यायालयात हजर करण्यात आले होते. या वेळी न्यायालयीन कोठडीत ठेवण्याचा आदेश देण्यात आला. आरोपींना या प्रकरणात जामीन मंजूर करण्यात यावा, यासाठी बचाव पक्षाच्या वकिलांकडून न्यायालयात अर्ज सादर करण्यात येणार आहे.
कल्याणीनगर अपघात प्रकरणात बांधकाम व्यावसायिक विशाल सुरेंद्रकुमार अग्रवाल (वय ५०, रा. ब्रह्मा सनसिटी, वडगाव शेरी), कोझी पबचे मालक नमन प्रल्हाद भुतडा (वय २५, रा. ए ७, पद्मविलास एन्क्लेव्ह, वानवडी), व्यवस्थापक सचिन अशोक काटकर (वय ३५, रा. साईसदन, तुकाई दर्शन, हडपसर), ब्लॅक पबचे मालक संदीप रमेश सांगळे (वय ३५, रा. ऑस्कर शाळेसमोर, फ्लॅट नं. १०७, पद्मावती हाइट्स, केशवनगर, मुंढवा), कर्मचारी नीतेश धनेश शेवानी (वय ३४, रा. एनआयबीएम रस्ता, कोंढवा), ब्लॅक पबचे व्यवस्थापक जयेश सतीश गावकर (वय २३, रा. केशवनगर) यांना अटक करण्यात आली होती. त्यांच्या पोलिस कोठडीची मुदत शुक्रवारी (२४ मे) संपली. त्यानंतर त्यांना अतिरिक्त सत्र न्यायाधीश एस. पी. पोंक्षे यांच्या न्यायालयात हजर करण्यात आले.
Pune Police : येरवडा पोलिसांची हलगर्जी, आमदार टिंगरे पोलीस स्टेशनला आले हे सत्य, पण.. पोलीस आयुक्तांचं उत्तरRead Latest Maharashtra News Updates And Marathi News
‘मुलाने गाडी चालवायला मागितली, तर त्याला गाडी चालवायला दे. तू त्याच्या बाजूला बस,’ अशी सूचना विशाल अगरवाल याने दिली होती. याबाबतचा जबाब अगरवालच्या मोटारीवरील चालकाने पोलिसांना दिला होता. ब्लॅकमधील कामगारांनी अल्पवयीन मुलांना मद्य पुरवल्याचे तपासात उघडकीस आले होते. त्यानंतर पब मालकांसह व्यवस्थापकाविरुद्ध गुन्हा दाखल करण्यात आला होता. आरोपींच्या वतीने ॲड. एस. के जैन, ॲड. सुधीर शहा, ॲड. अमोल डांगे, ॲड. अमेय गोऱ्हे, ॲड. प्रशांत पाटील यांनी बाजू मांडली.