पुणे: कल्याणीनगर अपघात प्रकरणात अल्पवयीन कारचालकाला दारू दिल्याप्रकरणी मुंढवा येथील कोझी पबचे मालक नमन भुतडा आणि व्यवस्थापक सचिन काटकर आणि ब्लॅक हॉटेलचे व्यवस्थापक संदीप सांगळे यांना २४ मे पर्यंत पोलीस कोठडी विशेष न्यायालयाने सुनावली. विशेष न्यायाधीश एस. पी. पोंक्षे यांनी हा आदेश दिला.
अल्पवयीन कारचालक त्याच्या दहा ते बारा मित्रांसोबत शनिवारी रात्री साडेनऊ ते बारा या वेळेत मुंढवा येथील कोझी या पबमध्ये पार्टी करत होता. यावेळी त्यांनी उंची मद्ये आणि नॉनव्हेज जेवण ऑर्डर केले होते. त्यानंतर त्यांनी एक वाजेपर्यंत हॉटेल ब्लॅक येथे मद्य प्राशन केले. त्यानंतर अल्पवयीन कारचालकाने भरधाव मोटार चालवून दुचाकीस्वार तरुण आणि तरुणीला ठोकरले. त्यामध्ये या दोघांचा मृत्यू झाला. या अल्पवयीन कार चालकाला त्याच्या वयाची खातरजमा न करता मद्य दिल्याप्रकरणी तिघांवर गुन्हा दाखल करण्यात आला.
अल्पवयीन कारचालक त्याच्या दहा ते बारा मित्रांसोबत शनिवारी रात्री साडेनऊ ते बारा या वेळेत मुंढवा येथील कोझी या पबमध्ये पार्टी करत होता. यावेळी त्यांनी उंची मद्ये आणि नॉनव्हेज जेवण ऑर्डर केले होते. त्यानंतर त्यांनी एक वाजेपर्यंत हॉटेल ब्लॅक येथे मद्य प्राशन केले. त्यानंतर अल्पवयीन कारचालकाने भरधाव मोटार चालवून दुचाकीस्वार तरुण आणि तरुणीला ठोकरले. त्यामध्ये या दोघांचा मृत्यू झाला. या अल्पवयीन कार चालकाला त्याच्या वयाची खातरजमा न करता मद्य दिल्याप्रकरणी तिघांवर गुन्हा दाखल करण्यात आला.
हे कृत्य बाल न्याय (मुलांची काळजी व संरक्षण) अधिनियमाच्या कलम ७५ व ७७ आणि मोटार वाहन कायद्याच्या कलम ३, ५ व १९९ (ए) प्रमाणे गुन्हा ठरत असल्याने या आरोपींविरोधात येरवडा पोलीस ठाण्यात गुन्हा दाखल करण्यात आला, असे फिर्यादीत नमूद आहे. या कार अपघातानंतर देशातून संताप व्यक्त केला जात आहे. या दुर्घटनेत सहभागी असलेल्या १७ वर्षीय मुलाच्या वडिलांना ताब्यात घेण्यात आले असून दोन हॉटेलच्या तीन अधिकाऱ्यांना किशोरला दारू दिल्याप्रकरणी अटक करण्यात आली आहे. या अपघातात जीव गमावलेल्या तरुण-तरुणीच्या कुटुंबीयांनी न्यायाची मागणी केली आहे. तसेच महाराष्ट्र पोलीस आणि रुग्णालयातील कर्मचारी आम्हाला सहकार्य करत नसल्याचा आरोपही पीडितांच्या पालकांनी केला आहे.