आरोपीची सहज सुटका होणे हे सहन केले जाणार नाही
फडणवीस म्हणाले, अपघातानंतर पुणे पोलिसांनी योग्य कारवाई केली. पोलिसांनी सर्व घटनेचे पुरावे बालहक्क न्याय मंडळाला दिले. पण तरीही बालहक्क न्याय मंडळाने दिलेला निकाल हा पोलिसांसाठी धक्कादायक होता. या प्रकरणाला पोलिसांनी अत्यंत गंभीरतेने घेतलेले असून याप्रकरणात आरोपीची सहज सुटका होणे हे सहन केले जाणार नाही, असे त्यांनी आवर्जून सांगितले.
आरोपीला सोडणार नाही; दारुचं बिल, सीसीटीव्ही फुटेज अन् ब्लड रिपोर्ट, पुणे आयुक्तांकडून कारवाईचं आश्वासन
महायुतीच्या आमदाराचा पुणे पोलिसांवर दबाव? फडणवीस म्हणाले…
महायुतीच्या आमदाराचा पुणे पोलिसांवर दबाव असल्याच्या चर्चांवर उत्तर देताना फडणवीस म्हणाले, आरोपी मुलगा १७ वर्षे ८ महिन्यांचा असल्यामुळे निर्भया प्रकरणानंतर जे बदल कायद्यात झालेले आहेत त्यानुसार १६ वर्षाच्या वरील मुलांना हीनियस क्राईममध्ये अडल्ट म्हणून ट्रीट केलं जाऊ शकतं. माझ्याकडे रिमांड अॅप्लिकेशनही आहे. अतिशय स्पष्टपणे हा मुद्दा मांडलेला आहे. तसेच पोलीस स्टेशनमधील सीसीटीव्ही देखील तपासण्याचे आदेश मी दिलेले आहेत.
बालहक्क मंडळाच्या आदेशाविरोधात आम्ही वरील कोर्टात दाद मागणार
पब आणि बार भागांत ड्रंक अँड ड्राईव्ह आणि ड्रायव्हिंग लायसन्स तपासणार आहोत. तसेच जिथे नियमांचं उल्लंघन तिथे थेट क्लोजर ऑर्डर करण्याचे आदेशही दिलेले आहेत. पालकांनी मुलांना योग्य दिशा मिळेल,याकडे लक्ष दिले पाहिजे, अशी अपेक्षाही फडणवीस यांनी व्यक्त केली. पालकांविरोधात प्रथमच बालहक्क कायद्यातली तरतूद वाढवली आहे, असे सांगून बालहक्क मंडळाच्या आदेशाविरोधात आम्ही वरील कोर्टात दाद मागणार असल्याचे फडणवीस म्हणाले.