बारामती लोकसभा मतदारसंघ हा पूर्वीपासून काँग्रेसचा बालेकिल्ला राहिला आहे. १९५२ साली लोकसभेच्या पहिल्या सार्वत्रिक निवडणुका झाल्या होत्या. मात्र १९५२ साली बारामती लोकसभा मतदारसंघ अस्तित्वात नव्हता. १९५७ च्या सार्वत्रिक निवडणुकांपासून हा मतदार संघ अस्तित्वात आला. बारामती लोकसभेच्या १९५७ पासून १९९१ पर्यंत पोटनिवडणुकीसह एकूण दहा निवडणुका झाल्या. १९९१ च्या सार्वत्रिक निवडणुकीत या मतदारसंघातून सध्याचे उपमुख्यमंत्री अजित पवार यांना काँग्रेस पक्षाने उमेदवारी दिली होती. अजितदादांनी लढवलेली ही एकमेव लोकसभेची निवडणूक होती. या निवडणुकीत अजितदादांनी भाजपच्या उमेदवार प्रतिभा लोखंडे यांचा ७५.३ टक्के मते मिळवून पराभव केला होता. मात्र यानंतर लगेचच नोव्हेंबर १९९१ मध्ये पंतप्रधान पी. व्ही. नरसिंहराव यांच्या मंत्रिमंडळामध्ये ज्येष्ठ नेते शरद पवार यांची संरक्षण मंत्री म्हणून नियुक्ती झाली. त्यामुळे अजित पवार यांनी राजीनामा दिला. यानंतर या जागेवर लोकसभेची पोटनिवडणूक झाली. या निवडणुकीमध्ये ज्येष्ठ नेते शरद पवार यांनी ५ लाख ७० हजार ५०५ वैध मतांपैकी एकूण ५ लाख ६ हजार ३१३ मते मिळवली होती. एकूण मतांच्या ८८.७८ टक्के मते ज्येष्ठ नेते शरद पवार यांनी या निवडणुकीमध्ये मिळवली होती. यानंतर एवढे मताधिक्य कोणत्याही विजयी उमेदवाराला त्यानंतर मिळाले नाही.
चुलत्या-पुतण्याने रचला होता मताधिक्याचा उच्चांक
१९९१ च्या सार्वत्रिक निवडणुकीमध्ये काँग्रेस पक्षाच्या ४८ उमेदवारांनी लोकसभेची निवडणूक लढवली होती. त्यामध्ये बारामती लोकसभा मतदारसंघांमधून अजित पवार यांनी ७५.३ टक्के मते मिळवली तर त्यानंतर नोव्हेंबर १९९१ मध्ये पार पडलेल्या पोटनिवडणुकीत शरद पवार यांनी ८८.७८ टक्के मते मिळवली. त्यावेळी महाराष्ट्रात पवार चुलत्या-पुतण्या यांनी केलेला हा विक्रमी उच्चांक होता. त्यावेळच्या एकाही काँग्रेसच्या उमेदवाराला एवढी मते मिळाली नव्हती.
२०१४ निवडणुकीत सर्वात कमी मताधिक्य
२०१४ च्या सार्वत्रिक निवडणुकीमध्ये खासदार सुप्रिया सुळे या मतदार संघामधून निवडून आल्या होत्या. मात्र त्यावेळी भाजप पुरस्कृत उमेदवार महादेव जानकर यांनी खासदार सुळे यांना जोरदार लढत दिली होती. या निवडणुकीमध्ये खासदार सुप्रिया सुळे यांना केवळ २८.७६ टक्के मते मिळाली होती. बारामती लोकसभा मतदारसंघाच्या इतिहासामध्ये कोणत्याही विजयी उमेदवाराला मिळालेली ही सर्वात कमी मते आहेत. मात्र त्यानंतर २०१९ मध्ये हा बॅकलॉग भरून काढत खासदार सुप्रिया सुळे यांनी ५२.५३ टक्के मते मिळवली होती.
Chhagan Bhujbal : विधानसभेला ८०-९० जागांचा भाजपचा शब्द, हक्काचा वाटा हवा, पुन्हा खटपट नको, भुजबळांची दादांना आठवणRead Latest Maharashtra News Updates And Marathi News
बारामती लोकसभा मतदारसंघांमध्ये विजयी उमेदवारांना मिळालेल्या मतांची टक्केवारी
१) केशवराव जेधे – ४२.९ (१९५७)
२) गुलाबराव जेधे – ५४.६ (१९६२)
३) तुळशीदास जाधव – ६२.३ (१९६७)
४) रघुनाथ खाडीलकर – ७१.५९ ( १९७१)
५) संभाजीराव काकडे- ५४.९ (१९७७)
६) शंकरराव पाटील – ४७.६ (१९८०)
७) शरद पवार – ६०.६ (१९८४)
८) शंकरराव पाटील – ५८.४ ( १९८९)
९) अजित पवार – ७५.३ ( १९९१)
१०) शरद पवार – ८८.७८ ( १९९१) पोटनिवडणूक
११) शरद पवार – ५७.२३ (१९९६)
१२) शरद पवार – ६५.८१ (१९९८)
१३) शरद पवार – ५७.७९ (१९९९)
१४) शरद पवार – ४८.६४ ( २००४)
१५) सुप्रिया सुळे – ३०.६१ ( २००९)
१६) सुप्रिया सुळे – २८.७६ (२०१४)
१७) सुप्रिया सुळे – ५२.५३ (२०१९)