मुंबई: वरळी हिट अँड रन प्रकरणातील आरोपी मिहीर शहाच्या शोधासाठी पोलिसांनी ११ पथकं तयार केली आहेत. पण अपघाताला ४८ तास उलटूनही त्याचा शोध लागलेला नाही. शिवसेना उपनेते राजेश शहाचा लेक असलेल्या मिहीरला पकडण्यात पोलिसांना अद्याप यश आलेलं नाही. मिहीर चालवत असलेल्या बीएमडब्ल्यू कारनं रविवारी पहाटे साडे पाचच्या सुमारास वरळीत एका दुचाकीला धडक दिली. या अपघातात दुचाकीवरील दाम्पत्यापैकी महिलेचा मृत्यू झाला. तर तिचा पती थोडक्यात बचावला.
शिंदेसेनेचे पालघरमधील उपनेते असलेल्या राजेश शहांचा मुलगा मिहीर अद्याप फरार आहे. त्याच्याविरोधात लूक आऊट सर्क्युलर जारी करण्यात आलं आहे. मिहीरच्या कारच्या धडकेत कावेरी नाखवा (४५) यांचा मृत्यू झाला. त्या कारसोबत २ किलोमीटरपर्यंत फरफटत गेल्या. तर त्यांचे पती प्रदिप नाखवांनी प्रसंगावधान राखत कारच्या बोनेटवरुन बाजूला उडी घेतली. या अपघाताचं सीसीटीव्ही फुटेज पोलिसांनी न्यायालयात सादर केलं आहे.
कावेरी नाखवांना जवळपास दोन किलोमीटपर्यंत नेल्यानंतर मिहीर शहा आणि त्याचा चालक राजऋषी बिडावत यांनी कार थांबवली. बोनेटमध्ये अडकलेल्या कावेरींना त्यांनी बाहेर काढलं. गंभीर जखमी झालेल्या कावेरी रस्त्यावर निपचित पडल्या. त्यानंतर राजऋषीनं त्यांच्या अंगावरुन कार नेली. त्यामुळे त्या चिरडल्या गेल्या. मिहीर आणि राजऋषीनं त्यांची कार वांद्यातील कलानगर परिसरात सोडली. यानंतर बिडावत बोरिवलीला गेला. तर मिहीर गोरेगावातील त्याच्या मैत्रिणीच्या घरी पोहोचला. तिथे तो सकाळी ८ पर्यंत थांबला होता.
शिंदेसेनेचे पालघरमधील उपनेते असलेल्या राजेश शहांचा मुलगा मिहीर अद्याप फरार आहे. त्याच्याविरोधात लूक आऊट सर्क्युलर जारी करण्यात आलं आहे. मिहीरच्या कारच्या धडकेत कावेरी नाखवा (४५) यांचा मृत्यू झाला. त्या कारसोबत २ किलोमीटरपर्यंत फरफटत गेल्या. तर त्यांचे पती प्रदिप नाखवांनी प्रसंगावधान राखत कारच्या बोनेटवरुन बाजूला उडी घेतली. या अपघाताचं सीसीटीव्ही फुटेज पोलिसांनी न्यायालयात सादर केलं आहे.
कावेरी नाखवांना जवळपास दोन किलोमीटपर्यंत नेल्यानंतर मिहीर शहा आणि त्याचा चालक राजऋषी बिडावत यांनी कार थांबवली. बोनेटमध्ये अडकलेल्या कावेरींना त्यांनी बाहेर काढलं. गंभीर जखमी झालेल्या कावेरी रस्त्यावर निपचित पडल्या. त्यानंतर राजऋषीनं त्यांच्या अंगावरुन कार नेली. त्यामुळे त्या चिरडल्या गेल्या. मिहीर आणि राजऋषीनं त्यांची कार वांद्यातील कलानगर परिसरात सोडली. यानंतर बिडावत बोरिवलीला गेला. तर मिहीर गोरेगावातील त्याच्या मैत्रिणीच्या घरी पोहोचला. तिथे तो सकाळी ८ पर्यंत थांबला होता.
अपघात झाल्यानंतर मिहीरनं वडिलांना फोन केला. त्यानं संपूर्ण घटनाक्रम त्यांना सांगितला. अपघात पहाटे साडे पाचच्या सुमारास झाला. त्यानंतर सव्वा तासानंतर म्हणजेच पावणे सातला राजेश शहा अपघातस्थळी पोहोचले. पोलिसांनी त्यांच्याविरोधात गुन्हे दाखल केले आहेत. खोटी माहिती दिल्याचा आणि पुरावे नष्ट केल्याचा आरोप त्यांच्यावर आहे. राजेश शहा आणि राजऋषी बिडावतला पोलिसांनी शिवडी मुख्य न्यायदंडाधिकाऱ्यांच्या कोर्टात हजर करण्यात आलं. राजेश शहांना १४ दिवसांची न्यायालयीन कोठडी सुनावण्यात आली. पण त्यानंतर त्यांना जामीन मिळाला.