पुणे: पुण्यातील कल्याणीनगरमधील पोर्शे कार अपघात प्रकरणात दिवसागणिक नवी माहिती उघडकीस येत आहे. या प्रकरणात पोलिसांनी अल्पवयीन आरोपी आणि त्याच्या बापाला आधीच अटक केली आहे. अपघातावेळी कार अल्पवयीन मुलगा नव्हे, तर ड्रायव्हर चालवत होता, असा बनाव रचण्यात आला. पण तो उघडा पडला. या प्रकरणात ससून रुग्णालयाच्या दोन डॉक्टरांना अटक करण्यात आली आहे. आरोपीच्या रक्ताच्या नमुन्यांमध्ये फेरफार करुन पुरावे नष्ट केल्याचा आरोप त्यांच्यावर आहे. आता या प्रकरणातील आणखी एक प्रत्यक्षदर्शी समोर आला आहे.
१९ मेच्या मध्यरात्री पोर्शे कारनं दुचाकीला धडक दिली. दुचाकीवरील दोन्ही तरुण अभियंत्यांचा अपघातात जागीच मृत्यू झाला. या प्रकरणातील प्रत्यक्षदर्शी अमीन शेखनं त्यावेळी घडलेला संपूर्ण घटनाक्रम कथन केला. ‘अपघातावेळी मी घटनास्थळापासून १० फूट दूर होतो. मी रस्ता ओलांडत होतो. अपघातानंतर अल्पवयीन मुलगा जोरजोरात ओरडत होता. हवे तेवढे पैसे घ्या, पण मला मारु नका. तुम्हाला जितके पैसे हवेत तितके मी मागवतो, असं आरोपी जोरजोरात ओरडून सांगत होता,’ असं शेखनं ‘आज तक’ वृत्तवाहिनीला सांगितलं.
प्रत्यक्षदर्शी असलेला अमीन दुर्घटनास्थळी असलेल्या सीसीटीव्हीतही दिसतो. फुटेजमध्ये तो रस्ता ओलांडताना दिसत आहे. अमीननं रस्ता ओलांडल्यानंतर पुढच्या काही सेकंदांमध्ये त्याच्या मागून एक पोर्शे कार भरधाव वेगात जाते आणि दुचाकीला धडक देते. दुचाकीवरील दोघांचा जागीच मृत्यू होता. यानंतर आसपासचे लोक, पादचारी कारच्या दिशेनं धाव घेतात. कारमध्ये असलेल्या मुलाला मारहाण करतात. त्यानंतर त्याला पोलिसांच्या ताब्यात देतात.
१९ मेच्या मध्यरात्री पोर्शे कारनं दुचाकीला धडक दिली. दुचाकीवरील दोन्ही तरुण अभियंत्यांचा अपघातात जागीच मृत्यू झाला. या प्रकरणातील प्रत्यक्षदर्शी अमीन शेखनं त्यावेळी घडलेला संपूर्ण घटनाक्रम कथन केला. ‘अपघातावेळी मी घटनास्थळापासून १० फूट दूर होतो. मी रस्ता ओलांडत होतो. अपघातानंतर अल्पवयीन मुलगा जोरजोरात ओरडत होता. हवे तेवढे पैसे घ्या, पण मला मारु नका. तुम्हाला जितके पैसे हवेत तितके मी मागवतो, असं आरोपी जोरजोरात ओरडून सांगत होता,’ असं शेखनं ‘आज तक’ वृत्तवाहिनीला सांगितलं.
प्रत्यक्षदर्शी असलेला अमीन दुर्घटनास्थळी असलेल्या सीसीटीव्हीतही दिसतो. फुटेजमध्ये तो रस्ता ओलांडताना दिसत आहे. अमीननं रस्ता ओलांडल्यानंतर पुढच्या काही सेकंदांमध्ये त्याच्या मागून एक पोर्शे कार भरधाव वेगात जाते आणि दुचाकीला धडक देते. दुचाकीवरील दोघांचा जागीच मृत्यू होता. यानंतर आसपासचे लोक, पादचारी कारच्या दिशेनं धाव घेतात. कारमध्ये असलेल्या मुलाला मारहाण करतात. त्यानंतर त्याला पोलिसांच्या ताब्यात देतात.
याआधी संकेत नावाच्या एका प्रत्यक्षदर्शीनं अपघाताबद्दल महत्त्वाची माहिती दिली. पोर्शे कार भरधाव वेगात होती. कारनं दुचाकीला सुसाट वेगात धडक दिली. कारचा वेग जास्त असल्यानं आम्हाला काही कळलंच नाही. अवघ्या काही सेकंदांमध्ये अपघात झाला होता. मुलीचा जागीच मृत्यू झाला होता. ती माझ्या डोळ्यांसमोर १५ फूट हवेत उडाली आणि रस्त्यावर आपटली. मुलाचं शरीर छिन्नविच्छिन्न झालं होतं, असं संकेतनं सांगितलं. अपघातवेळी कार अल्पवयीन मुलगाच चालवत होता, अशी माहितीही त्यानं दिली.